Nagy Imre: Sopron vármegye története. Oklevéltár második kötet (Sopron, 1891)

excommunicacionis pena, quam in vos, et alterutrum huius (modi) mandátum nostrum exequi recusantem seu recusantes, trium tamen dierum canonica monicione premissa a die exhibicionis presencium de vobis fienda, computando, fecimus in his scriptis firmiter et districte precipiendo committimus et mandamus, quatenus receptis presentibus et postquam pro parte prefati reverendi domini Demetrii episcopi ecclesie Jauriensis fueritis requisiti aut alter vestrum fuerit requisitus ita, quod in his exequendis unus vestrum alium non expectet, nec alius per alium se excuset singulis diebus dominicis et festivis dum man .... eiusdem ad divina audienda populi convenerit multitudo, in vestris ecclesiis et capellis infra missarum sollencia prefatam denunciacionem reiterandam et renovandam, dictum Paulum abbatem huiusmodi mandati nostri contemtorem, sic ut premittitur, excommunicatum, denunciatum et aggravatum, pulsatis campanis, candelis accensis ac demum extinctis, et in terram proiectis cruce erecta et demum religione induta, aquam benedictam aspergendo ad fugandos demones, qui eum sic detinent alligatum, orando, quod dominus noster Jhesus Christus ad katholicam fidem et sancte matris ecclesie grémium producere dignetur, ne eum in tali duricia et perversitate dies eius finere permittat, cum decantacione responsorii : Revelabunt celi etc. et presertim Deus laudem nostram ne tacueris etc. Cum autem media vita etc. hec facto et finito ad ianuam ecclesiarum vestrarum unacum clericis et parochianis vestris ad terrorem, ut ipse excomunitatus et aggravatus eo cicius ad obedienciam redeat, tres lapides versus domum seu habitacionem ipsius proiciendo, in signum malediccionis eterne, quam deus dedit Dathan et Abyron, quos terra vivos absorbuit, solenniter publicetis et denuncietis, ac per vestros faciatis denunciari. Si vero prefatus Paulus abbas denunciatus et aggravatus per quindecim dies huiusmodi denunciacionem et aggravacionem animo sustineat indurato, duriciam pharaonis imitando, extunc processus nostros huiusmodi reaggravando necnon aggravamus et reaggravamus. Mandantes vobis universis dominis supradictis, penis sub premissis, quatenus omnes