Nagy Imre: Sopron vármegye története. Oklevéltár második kötet (Sopron, 1891)

domini Mathie regis Hungarie Bohemie etc. subiectis, legátus etc. dilectis vobis in Christo reverendo patri domino Petro episcopo Nandoralbensi Vesprimii residenti, acvenera bili Johanni de Miley decretorum doctori archidiacono Zaladiensi et Thome de Sándor canonicis ecclesie Vesprimiensis salutem in domino sempiternam. Expositum est nobis pro parte reverendi in Christo patris domini Demetrii episcopi ecclesie Jauriensis, quod, etsi omnes decime diocesis sue ad dictam ecclesiam per consequensque ad ipsum pertinuerint, pertinereque dinoscantur, quarum quidem decimarum eciam in pacifica possessione iuris percipiendi antea semper extiterit, tamen venerabilis fráter N. abbas de Borsmonostra diocesis Jauriensis predicte, nescitur qua racione motus, colonis et inhabitatoribus villarum et possessionum ad dictum monasterium Borsmonostra spectancium et pertinencium universis inhibuisset vetaretque eciam de presenti, ne decimas, ut prefertur, ecclesie Jauriensis, prefato domino episcopo provenire debentes, solvere et restituere deberent, insuper presbiteros in eiusdem possessionibus curam animarum gerentes, synodum per dictum dominum episcopum inductam more alias solito et consveto, venire intrareque non permitteret ; et quod deterius est, interdictum et alias censuras, per eundem episcopum impositas non siniret observari, sed coram interdictis et excommunicatis, acaliis censuris ecclesiasticis irretitis, divina cogeret celebrare officia, in grave dispendium salutis animarum et dicti exponentis ac sue ecclesie preiudicium pariter et iacturam. Unde nobis pro parte dicti domini episcopi humiliter extitit supplicatum, ut sibi superinde de opportuno iuris remedio providere dignaremur. Nos igitur volentes sibi iusticiam amministrare, de predictis certam noticiam non habentes, dileccioni vestre auctoritate legacionis nostre tenore presencium committìmus, quatenus vocatis coram vobis dictis partibus et aliis, qui fuerint evocandi, auditisque hinc inde propositis inter dictas partes, quod canonicum fuerit decernatis, facientes quod decreveritis, per censuram ecclesiasticam, et alia iuris remedia, appellacene postposita, firmiter observari, testes vero, qui fuerint nominati, si se odio vel amore subtraxerint