Nagy Imre: Sopron vármegye története. Oklevéltár első kötet 1156-1411 (Sopron, 1889)
Verum quia prenotatus Johannes de Durugh vigore dictarum literarum de prefato conventu Supruniensi loquencium, prelibatam dominam Elyzabeth relictam Martini de Pothly prememoratos novem laneos et dimidium ac ducenta iugera terrarum necnon septem vineas domine Agneti filie sue uxori videlicet ipsius Johannis de Drugh heredum suorum per heredes, ex permissione pretactorum Nicolai et Johannis filiorum Pauli de Pothly perpetuo contulisse comprobare, ex eoque premissas terras, novem lihenios et dimidium ac vineas sibi eternaliter perpetuando applicare intendebat, procurator autem ipsorum filiorum Pauli de Pothly eosdem filios Pauli alienacioni ipsius possessionis personaliter non comparuisse, nec eandem possessionariam collacionem admisisse, sed alios in personis ipsorum in eiusdem conventus presenciam statuisse ; sicque eandem literas fraudulenter et nequiciose emanari fecisse allegarat, falsificatoque iamdicto modo earumdem literarum tenoré, super deliberacione veritatis vel falsitatis earumdem literarum ad ipsum conventum transmissi fuerant, ut iuri consonarat; et demum in literis prenotati capituli Castriferrei ipsum conventum sepedictas literas in predicto examine nostri iudicii, ut premittitur falsificatas, falsas esse, nec per ipsum sed per quendam familiarem ipsorum literatum, datas fuisse, nec eciam eosdem filios Pauli ad ipsius possessionarie collacionis admissionem personaliter comparuisse reportarant ; nunc vero procurator dicti Johannis de Drugh nullám pretendere ad verificacionem earumdem literarum valebat racionem, pro eo unacum baronibus regnique nobilibus in adiudicacione ipsius cause nobiscum adherentibus, eundem Johannem de Drug pro latoré falsarum literarum ex eoque in pena falsarum literarum latoribus apta et amissione omnium suarum possessionum ac bonorum ubilibet ipsum proprie contingencium, in duabus partibus nostris et in tercia adversariorum suorum manibus devolvendarum auctoritate presencium decrevimus fore condemnándum, prelibatos vero novem lyhinios et dimidium ac ducenta iugera terrarum necnon septem vineas in Byduskuth habita, super quibus predicta litigionaria questio inter ipsos, prout superius in presentibus expressius declaratur, vertebatur, eisdem filiis
