Notitia hungáriae novae historico geographica (Budapest, 2012)

Sopron vármegye

188

COMITATUS SOPRONIENSIS PARS SPECIALIS

loquuntur. Et secundae quidem portae (tres enim habet, dum interiora arcis possis adire) inscriptio est:

Frakno

Me, pro Corona Regni Hungáriáé abalienata, rara fidelitas Comitis Palatini Nicolai Eszterházy, eidem Coronae restituit, sub Auspiciis Augustissimorum Imperatorum Ferdinandi ii. et Ferdinandi iii. Regno, Sibi, Posteris, Familiaeque suae a fundamentis exstruxit, Fidelitatis industriaeque exemplum eisdem relinquentis

SARTUM TECTUMQUE CONSERVATE

Marmor tertiae portae, insignia, a dextris quidem, Nicolai, a sinistris Christinae co- niugis scite exsculpta, exhibet.

Insignia

Comitis Palatini Hungáriáé Nicolai Eszterhazy de Galantha etc. Arcis huius Frakno Erectoris.

Virtute Duce Comite Fortuna

Insignia

Comitis Christinae Nyári de Bedegh, eiusdem Palatini Hungáriáé carissimae CoNIUGIS Vive ut Vivas.

Anno Partus Virginis mdcxxxv.

Et hic quidem intrantium oculos advertunt, exteriori portae faciei instructa: qua intus aream spectat, aliud marmor, istud monimentum ostendit:

Me Regis Matthiae i. Pacificatio Frid. iii. Imp. dedit Amor magni Caesaris Ferd. ii. Regno restituit Gratia eiusdem Comiti Nicolao Eszterházy [p. 1171]

Palatino R. H. ac Aurei Velleris Equiti, etc. contulit. Qui me patriae Gentilibusque suis Tutioni

QUE EORUM VETUSTATE LABENTEM, SOLO AEQUANS, A FUNDAMENTIS EXSTRUXIT, SE VERO AETERNITATI PARAVIT

Haec singula, ad memoriam Nicolai, summi viri, posteritati commendandam, adti- nuere.

XI. Atque dignus est omnino Nicolaus, cuius memoriam, nunquam non recolat posteritas. Huic instaurandae, nihil praestiterimus efficacius, quam si regias Ferdinandi

II. tabulas, quibus, praeclari Nicolai actus, et laudes eximiae, perscribuntur, penitus exprompserimus. quod quidem nusquam poterimus opportunius, quam in historia hac arcis Frakno: quippe cuius Comitem Perpetuum eodem illo diplomate, et creat benigne rex indulgentissimus, et clementer pronuntiat. Id vero huiusmodi est:' 1

1 Copiam huius diplomatis d. /o. Aug. 1626. a Ferdinando expediti vide in Libri Regii nr. 7.364, pp. 609-613. Belius autem e libro celeberrimo „Trophaeum Nobilissimae ac antiquissimae domus Estorasianae..." inscripto textum diplomatis copistae suo transscribendum mandavisse videtur, cum mendae illius ex magna parte etiam in textu Beliano occurrunt. Vide Trophaeum 1700. III. ff. U2-X3. Vide etiam notas nostras diplomati adiunctas.