Notitia hungáriae novae historico geographica (Budapest, 2012)
Sopron vármegye
MEMB. II. DE ARCIBUS ET CASTELLIS. DE FRAKNO 189 „Ferdinandus II. Divina favente Clementia electus Romanorum Imperator semper Augustus, ac Germaniae, Hungáriáé, Bohemiae, Dalmatiae, Croatiae, Sclavoniae, Ramae, Serviae, Gallitiae, Lodomeriae, Cumaniae, Bulgariaeque etc. Rex, Archidux Austriae, Dux Burgundiáé, Brabantiae, Styriae, Carinthiae, Carnioliae, Marchio Mo- raviae, Dux Lucemburgae, ac superioris et inferioris Silesiae, Wiirtembergae et Thekae, Princeps Sueviae, Comes Habspurgi, Tyrolis, Ferreti, Kyburgi, et Goritiae, Landgravius Alsatiae, Marchio Sacri Romani Imperii supra Anasum Burgoviae, ac superioris et inferioris Lusatiae, Dominus Marchiae, Sclavoniae, Portus Naonis, et Salinarum, etc. Tibi, fideli nostro, Spectabili ac magnifico comiti Nicolao Eszterhazy de Galantha, Comitatuum de Beregh, Zoliensis et Soproniensis supremo Comiti, Regni nostri Hungáriáé Palatino, Iudicique Cumanorum, Camerario, Consiliario, et per Hungáriám Lo- cumtenenti nostro, salutem et Gratiae ac Clementiae nostrae Caesareae atque Regiae continuum erga te incrementum. Potestas regnantium ad hoc divinitus in terris erecta est, ut quemadmodum malorum vindictam, ita et ad laudem sit bonorum, et subiecti promiscue populi benevolentiam, liberalitate attrahat, uniuscuiusque merita condignis retributionibus prosequatur. Quod etsi quasi ex debito publici officii, et quadam generali Principum regula fieri soleat, eos tamen clarioribus ordinandos esse titulis et [p. 117m] altioribus extollendos honoribus reputamus, quos sincerior fides, magnanimi actus, et excellentia merita ceteris anteponunt. Hinc est, quod considerantes virtutes magnificas, fortissima gesta, et clarissima merita, quibus fere omnes status constanti sinceritate devotioneque magno laborum et studiorum obsequio antecellis, consuetudinem maiorum nostrorum clarissimorum et augustissimorum Imperatorum et Regum more, postquam ad hanc Imperatoriae et Regiae dignitatis curam et solium Deus optimus maximus nos evexit, libenter, benevole, et benigne secuti, dum munifici in eos quovis tempore fuerimus, qui aliquo praeclaro facinore, authenthico actu, vel quocumque laudabilis indolis argumento sese nostra gratia et liberalitate dignos, et honorum ad piam gratamque posteritatem promovendorum, titulis aptos declaraverunt. Postquam etenim natalium splendorem, ingenii acumen, singularem fidei ac fidelitatis tuae constantiam, adeoqe animi tui sinceritatem, robur et fortitudinem, Nicolae Eszterházy, diligenter intra nos revoluissemus, quibus te iam inde ab adolescentia tua, ex Augusta domo nostra Austriaca Imperatoribus et regibus, nobisque probasse non obscuris solum aliorum testimoniis didicimus, verum etiam propria quoque nostra experientia, sufficienter compertum habemus, dignissimum te esse censuimus, qui non solum praeclare factorum tuorum, in omnem tuam et tuorum posteritatem, cum immortali et insigni nominis tui memoria duraturum testimonium a nobis sumas, sed et altiores quoque honoris et dignitatis gradus, ita exigentibus eximiis meritis tuis eveharis. Intelligimus quippe, ubi primum adolevisti, viribus ac ingenio pollentem, non te luxui et inertiae corrumpendum dedisse, sed animum quidem praeclararum rerum meditationem, corpus vero militaribus exercitiis occupasse, ac dedisse: Aetate deinde maturiore succedente, omnibus in id ingenii et animi viribus incubuisse, ut cum primis Sacrae regni nostri Hungáriáé Coronae, et deinde Maiestati Nostrae, ac toti denique inclytae et Augustissimae Domui nostrae Austriacae, summa semper fide, ac sinceritatis constantia, et alacritate famulari et inservire posses, variis in expeditionibus bellicis, tempore aperti belli decennovenali per Augustum Imperatorem Romanorum,
