C. Tóth Nórbert - Lakatos Bálint: Zsigmondkori Oklevéltár XV. (1428) - A Magyar Országos Levéltár kiadványai, II. Forráskiadványok 61. (Budapest, 2022)

1428

1428. június 29.

313

pecuniis salium nostrorum predictorum vel aliis rebus nostris prenarrate domine tricentos florenos auri dare teneatur et amministrare.

Quinto committimus, ut domine Katherine,

relicte

scilicet Georgii Groff

de Buzyn, sorori nostre dilectissime de pecuniis salium nostrorum predictorum floreni mille per centum aministrentur.

Sexto, sicuti semper

illius

fui[mu]s intentionis, quod capellam Beati Mi

chaelis archangeli

reformaremus et unam missam perpetuam simulcum aliis suffragiis et orationibus in eadem peragi debendis disponeremus, eandem capellam antefata domina, consors nostra de pretactis [pecuniis salium] ex integro reformare missamque pretactam et orationes in eadem ordinare et constituere debeat.

Septimo tunicam nostram purpuream deauratam, apud Mathiam sartorem habitam, sicuti prius voluimus, ita et adhuc de eadem unam casulam sartiri faciat et appromptuet et ad ecclesiam Sancti Iohannis

de Pathak as

signet.

Octavo tunicas fratris nostri carissimi purpureas, quarum una rubea, alia brunatica et tertia floribus ornata, iuxta pristinam nostram intentionem prefata domina, consors nostra ad casulas sartiri faciat et quocumque sibi melius et congruentius videbitur, pro salute [anime]

sue

disponat et aministret.

Nono unum baltheum Iohannis

Alami(!)

impignoravimus egregio Stephano de Cassa pro quinquaginta florenis auri, super quo prenominatam dominam, consortem nostram rogando petimus, ut eundem baltheum, undecumque et qualitercumque poterit, cito redimat et prefato Iohanni restituat.

Decimo rogamus etiam prefatam dominam, consortem nostram, ut si sales nostri predicti sibi remanere poterint, extunc de pecuniis ipsorum salium nostrorum prefato Iohanni Almano centum florenos auri aministret, sin autem tunc in Wyhel tantum habebit de vino, quod ad plura se extendit, ideo etiam de pecuniis ipsorum vinorum pretactos centum florenos auri eidem Iohanni disponat et assignet.

Undecimo in civitate Budensi apud textorem purpuris habemus pro pignore duo monilia pro quinquaginta florenis auri, qui in valore se magis extendunt et si placuerit prefate domine, consorti nostre, extunc eadem redimendi habeat facultatem.

Duodecimo in predicta civitate Budensi apud quendam Italicum Cappu nomine habemus unum monile cum uno dracone cruce supraposito, in cuius crucis margine IIIIor lapides preciosi Blask

vocati,

in medio autem unus dyamas est positus, in monili autem est unus saphirus magnus et quinque vel septem perles magne, pro centum florenis auri impignorata, que in valore ad plura se extollunt, ideo si placuerit, tunc prefata domina, consors nostra redimat et pro se conservet.

Tredecimo in civitate predicta apud aurifabrum in domo domini Stibori commorantem habemus duos ciphos septem marcas argenti continentes, qui iam solum deaurari debent, attamen posita ratione prefato aurifabro debi-