C. Tóth Nórbert - Lakatos Bálint: Zsigmondkori Oklevéltár XV. (1428) - A Magyar Országos Levéltár kiadványai, II. Forráskiadványok 61. (Budapest, 2022)
1428
314 1428. június 29. tus(!) remaneremus, qui etiam ciphi ad plura se extendunt, ideo, si placuerit prefate domine, consorti nostre, detune eosdem ciphos redimat et pro se conservet. Quartodecimo equum nostrum magnum in Kuczyn habitum assignent fratri nostro filio condam Emeric[i de] Peren. Quin[to]decimo sicuti magistro Wolther aurifabro, civi Quinqueecclesiensi quadraginta octo fl[orenis auri ...] obligamur, [cui volumus, ut eosdem florenos auri prenarrata] domina, consors nostra [..........] satisfaciat. Sedecimo cuidam mercatori Brawna vocato in possessione Iohannis báni commoranti sexaginta florenis auri obligamur, quos per prenarratam dominam, consortem nostram de pecuniis predictorum salium exsolvi volumus. Decimo septimo Henrico aurifabro domine regine octo auri florenis obligamur, quos prefata domina, consors nostra persolvere debeat et teneatur. Decimo octavo committimus ipsi domine, consorti nostre, ut florenos quadringentos auri, quibus domino Donyn de Rayez debitorie obligamur, iamfata domina Hedvigis, consors nostra de ipsis pecuniis salium nostrorum ipsi domino Donyn persolvere teneatur. Decimo nono quicquam domino plebano de Pathak et monialibus obligamur facta ratione cum eisdem prelibata domina, consors nostra eisdem satisfacere debeat. Vicesimo castellanis nostris de Brunio, videlicet Nicolao filio Jako et Emerico de Petlend in anno presenti stipendiis ipsorum obligamur nostram iuxta pristinam dispositionem, quibus adhuc non persolvimus, que tamen stipendia dominus noster rex prompta in pecunia persolvere promisit, ideo exeeutores nostri facti premissam pecuniam a domino rege exigant et castellanis predictis persolvant. Vicesimo primo quicquid Georgius de Panaz pro equis suis et vino per nos ab eodem receptis fide sua mediante recipere voluerit, eidem indilate persolvantur. Vicesimo secundo quia Nicolaum filium Jako in militem creavimus, eidem pro sua relevatione ultra nostra debita predicta sexaginta florenos auri ipsa domina, consors nostra solvere et assignare debeat. Vicesimo tertio Otthoni dicto Kikhez pro eo, quia eundem in militem creavimus, centum quinquaginta florenos auri et tres equos dare debeant et teneantur. Vicesimo quarto Anthonio de Buthka pro redemptione possessionum suarum aliquos sales litteris nostris mediantibus dare promiseramus, et quotquot ad fidem suam recipere voluerit, eidem consors nostra predicta dare teneatur et persolvere. Ubi autem premissa cum salibus de Poroslo expediri non possent, extunc cum salibus de Becz expediantur.
