C. Tóth Norbert - Mikó Gábor: Zsigmondkori oklevéltár XIII. 1426 - Magyar Országos Levéltár kiadványai, II. Forráskiadványok 55. (Budapest, 2017)
1426
308 1426. július 22. plagam tres domus, una Georgii Homonay et alia Iohannis Fekethw et tertia Petri dicti Sahthos ipsis filiis Dragh; ulterius ad eandem plagam eundo due sessiones iobagionales, una in vicinitate plebani et scolastici, in qua Blasius dictus Wassard, alia vero ex altera parte similiter in vicinitate plebani et scolastici, in qua Iohannes faber residerent, ipsi Iohanni filio Iacobi; sessiones autem plebani et scolastici annotatis Iohanni filio Iacobi et filiis Dragh communiter derelicte extitissent; ab eodem autem loco quodam modo declinando versus partem occidentalem per bonum spatium eundo usque ad plateam, qua itur versus villam Chenger et tendendo ad aquilonalem plagam tres domus iobagionales, videlicet Stephani Bartha, Blasii Zechey et alterius Blasii dicti Hrabe prefatis filiis Dragh; abinde versus dictam plagam aquilonalem in eadem linea directe procedendo due domus iobagionales, una Demeterii dicti Barthalws et altera Sebastiani dicti Sahthos prefato Iohanni filio Iacobi; ab eodemque loco semper dicta plaga aquillonali servata in eadem linea eundo due domus iobagionales populose, una Georgii dicti Thar, altera Petri Parvi ac tertia deserta et habitatoribus destituta prenominatis Georgio et Sandrino filiis Dragh; deinceps in eadem linea semper eadem plaga continuata una sessio iobagionalis, videlicet Gregorii filii Dyonisii et altera deserta Kassaspuzthaya vocata habitatoreque destituta in vicinitate Barthalyws ab una, ab altera autem Sebastiani dicti Sahthws ab aquilonali partibus, Iohanni filio Iacobi sepenominato; abhinc ad eandem plagam in eadem linea penes domum Petri Darahy tres sessiones usque ad campum tendens habitatoribus destitute pretitulatis filiis Dragh; eundem etiam campum pro usu communi de partium voluntate relinquissent; ab eodem vero loco in eadem linea versus plagam meridionalem secus domum Petri Kapoth [...] prima divisio fuisset incepta et inhovata due sessiones iobagionales habitatoribus destitute prenarrato Iohanni filio Iacobi; abinde vero magnum spatium ad eandem plagam meridionalem girando et declinando ad plateam ecclesialem, ex opposito eiusdem ecclesie versus orientem una sessio a superiori parte domus predicte Vince sartoris et alie due sessiones deserte et habitatoribus destitute in eadem plaga orientali ad meridiem tendendo, in vicinitate prenominati Iohannis Homonnay sepefatis filiis Dragh; ab eodem autem loco versus eandem plagam orientalem prope fluvium Zamos una sessio in vicinitate predicti Luce dicti Fekethw penes plateam, qua itur ad dictum fluvium Zamos versus orientem, ubi alias quoddam molendinum fuisset decurrens, nunc vero desertum; alia vero sessio in vicinitate prenominati Brictii dicti Apathy prope eundem fluvium Zamos in eadem linea quasi versus meridiem, habitatore destituta, eidem Iohanni filio Iacobi; dictum vero locum molendini eisdem Iohanni filio Iacobi et filiis Dragh communi usui deputassent; ab eodem vero loco versus partem aquilonalem tendendo in vicinitate dicti Iohannis Fekethw una sessio, ab alia vero Blasii dicti Moldawy, in dicta parte dicte plage aquilonis ac due sessiones a parte occidentis in vicinitate dicti Iohannis fabri, habitatoribus destitute ipsis filiis Dragh; deinde linea in eadem directo tramite eundo ad eandem plagam due sessiones similiter habitatoribus destitute annotato Iohanni filio Iacobi; abhinc similiter in eadem linea penes easdem duas sessiones desertas a plaga occidentali tres sessiones iobagionales, consimiliter habitatoribus destitute, tendentes usque ad quendam puteum ipsis filiis Dragh; abinde linea in eadem versus eandem plagam occidentalem verticale dictum puteum includendo due sessiones deserte et habitatoribus destitute ipsi Iohanni filio Iacobi; ulterius in eadem linea penes easdem duas sessiones ipsius Iohannis filii Iacobi tres sessiones deserte et habitatoribus destitute, tendentes
