Antonius Fekete Nagy: Monumenta rusticorum in Hungaria rebellium anno MDXIV (Magyar Országos Levéltár kiadványai, II. Forráskiadványok 12. Budapest, 1979)
MONUMENTA
incendia miscentur, homicidia passim committuntur aliaque scandala prope infinita sunt et excitantur. Quo fit, ut non solum < contra) nos, verum eciam contra ipsum sanctissimum dominum nostrum dominum Leonem modernum sacrosancte ecclesie pontificem maximum plurimi clamores, lamenta et maledicta per eos sic indebite oppressos publicitus efferri audiantur. Et quum tales proclamaciones sive seducciones Christi fidelium aliique premissi actus illiciti et nefarii prêter nostram et prefati sanctissimi domini nostri pape voluntatem — ut premissum est — fiunt et perpetrantur nec unquam cruciatam ipsam, presertim extra civitates Budensem et Pesthiensem per alios quam per reverendissimum dominum episcopum modernum Transsilvanensem prefatum et per suos auctoritate nostra substitutos in Transsilvania fratresque ordinis minorum de observancia, quos tantummodo precipue extra dictas civitates Budensem et Pesthiensem et non alios commissarios in hac parte fecimus speciales publicari et divulgari, commisimus et mandavimus hysque non aliter et alias quam — ut tenor et continencia bullarum apostohcarum habere dinoscebatur — quin pocius auctoritate apostólica inhibuimus inhibemusque eciam in presenciarum palam, publice et expresse omnibus et singulis personis ecclesiasticis, religiosis scilicet et secularibus sub pena excommunicacionis late sentencie, ne quipiam ad publicacionem huius modi cruciate aliquatenus se se ingérant, immittant et impediant, immo distribucionem huius modi cruciate eciam per prefatos dominos episcopum Transsilvanensem suosque substitutos necnon fratres dicti ordinis sancti Francisci ad tempus certis et racionabilibus ex causis suspendendam duximus, prout suspendimus in virtute sánete obediencie et sub <(pena) excommunicacionis ac aliis censuris ecclesiasticis. Firmiter precipimus et mandamus, quatinus habita presencium noticia ac dum et quando presentibus fueritis requisiti, omnibus et singulis talibus prioribus tam religiosis quam eciam secularibus aliisque personis quibuscumque ecclesiasticis et secularibus, cuiuscumque gradus, status, ordinis et condicionis existant, auctoritate nostra, immo verius prefati sanctissimi domini nostri pape canonicis monicionibus premissis sub prefatis excommunicacionis et suspensionis, aggravacionis, reaggravacionis et interdicti ecclesiastici sentenciarum penis inhibeatis et a premissis eosdem, si opus fuerit eciam cum invocacione brachii secularis coerceatis et compescatis, ne ipsi vel eorum alter amodo deinceps prêter dictos nostras commissarios huius modi proclamaciones sive cruces distribuera, seduccionem populi ac conventicula facere et discordias seminara quovis modo audeant, quin pocius a similibus actibus illicitis, nephariis et perniciosis penitus et omnino cessare et supersedere debeant et teneantur effective, qui si cessaverint et premissis monicionibus et mandatis nostris, immo verius apostolicis paruerint, bene quidem, alioquin exnunc, prout extunc et econtra dictis canonicis monicionibus precedentibus prescriptas penas in eos et eorum quemlibet respective ferimus in hys scriptis et eciam promulgamus ipsosque illas incurrere volumus ipso facto. Quos tandem in vestris et vestrum cuiuslibet ecclesiis singulis diebus Dominicis et festivis coram populo fideli, ut moris est pro talibus et ut taies publicetis et publicari faciatis tamdiu, donee monicionibus et mandatis nostris huius modi paruerint cum effectu et de eorum absolucione vobis
