Franciscus Dőry: Decreta Regni Hungariae : Gesetze und Verordnungen Ungarns 1301–1457 (Magyar Országos Levéltár kiadványai, II. Forráskiadványok 11. Budapest, 1976)
Decreta
volumus pervenire, quod quia nobiles de comitatu Scepesiensi fideles nostri suo et omnium hominum cuiusvis status in eodem comitatu existentium nomine ad nostram accedentes presentiam nostre maiestati declararunt, ut inter ipsos talis calumpniosa consuetudo ymo potius quedam corruptela haberetur, ut cum quilibet alterum in causam coram quovis iudice attraxerit et quamvis suam litem per plurimos articulos et verborum multiplicationem contra eum proposuerit, tandem si cuiusquam partium litigantium iuramentum deponere adiudicatum extiterit ipsi plurimi et multiplicati articuli in iudicio propositi in depositione seu serié iuramenti parti iuramentum deponere debenti omnino seriatim comprehendere et repetere committerentur, in qua siquidem huius modi iuramenti plurimis articulis in lite propositis multiplicati depositione fere omnes convincerentur, petentes a nostra celsitudine humiliter supplicando, ut quandam formám moderatam iuramenti perpetuo stabilem sub verborum collecta et succincta prolatione ipsorum multiplicatorum sensum articulorum plene comprehendentium regia auctoritate statueremus, ne amplius per huius modi calumpniosam consuetudinem aliquibus periculum possit in depositione iuramenti e venire. Nos igitur ex regia pietate de qua debet nasci a iustitia singularis et subiectorum onera b sublevari, petitioni dictorum fidelium nobilium aures benignas inclinantes et eam - quia iusta et legitima erat - diligenter ad effectum perducere cupientes una cum prelatis et baronibus regni nostri nobiscum in partibus Transsilvanis cum valido exercitu existentibus decernentes cunctis iuramentum deponere debentibus hanc specificam et exemplarem formám despositionis iuramenti perpetuo observandam duximus statuendam. Quod si Paulus ágens contra Nicolaum defendentem iurare debebit qualiscunque sit sua actio et per quemcunque iudicem regni nostri existat iudicata iuret in hec verba dicens: Deus me ita adiuvet, quod Nicolaus in his omnibus, que contra ipsum in iudicio proposui, mihi c reus est vel tanta quantitate pecunie seu tali re tenetur. Consequenter quidem quilibet de coniuratoribus suis dicat: Deus me ita adiuvet, quod Nicolaus in his omnibus, que Petrus d in iudicio contra ipsum proposuit, reus est vel tanta quantitate pecunie seu tali re sibi tenetur. Item e converso si Nicolaus defendens contra Petrum 6 agentem seu actorem iurare debebit iuret isto modo dicens: Deus me ita adiuvet, quod in omnibus per Petrum 6 in iudicio contra me obiectis inculpabilis sum vel nulla quantitate pecunie seu re teneor sibi aut tanta pecunia seu tali re teneor sibi. Consequenter autem quilibet de suis coniuratoribus dicat: Deus me ita adiuvet, quod Nicolaus in his omnibus, que Paulus in iudicio contra ipsum proposuit inculpabilis est vel sibi in nulla quantitate pecunie seu f re tenetur aut tanta pecunia tenetur. a Litt, nassci b Litt: honéra c Litt, michi d rede: Paulus e rede: Paulum 1 Litt, tali om. 8 Litt, parochyalis h Litt, dupplicis 6* 83
