Mályusz Elemér szerk.: Magyar protestáns egyháztörténeti adattár. XIV. Budapest 1930.

Paulinyi Oszkár: Iratok Kassa sz. kir. város 1603—1604-ben megkísérelt rekatolizálásának történetéhez

Reverendissime, generosi et egregíi Domini, Patroni gratiosissimi. Quandoquidem a tam multis annis, donec caesareae regiaeque Suae Maiestatis domini domini nostri clementissimi a quo camera ista Scepusiensis est fundata, nos quinque regiae liberaeque civitates, tanquam Suae Maiestatis et Coronae huius Ungaricae peculium, in omnibus nostris necessitatibus semper et inprimis non modo requisiverimus, sed etiam iustam defensionem et patrocinium contra quosvis illegitimos impetitores nostros ab eadem expertí fuerímus. Idcirco animadvertentes in praeiudicium vetustissimarum nostrarum libertatum, iurium regni et eorundem derogamen absque omni causa violenter et indebite nunc contra nos procedi, sicuti videmus hoc ex nostris sociae civitati Cassoviensi antea satis afflictissimae accidere, in eo quod illustrissímus dominus generalis, nescitur quibus ductus rationibus, eorum omnia publica bona, pagos, allodia, molendina, terras arabiles, prata, vineas in territorio Cassoviensi et alibi existentes realiter, partim per capitaneum militum Germanorum Cassoviae existentíum et Lucám Kis castellanum eiusdem Cassoviensis praesidii perque ipsis adíunctos milites et homines, partim ipsémet his diebus Tokainum proficiscendo, nomine Suae Maiestatis arestavit et in eiusdem ratíonem occupavit," serioque sub poena capitis et bonorum amissione iudicibus et ceteris ut in pagis sic etiam in civitatem Cassovíensem (!) ad se convocatis interdixit, quod a modo deínceps praefatae civitati Cassoviensi nihil amplius solvere vel minima servitia praestare debeant, sicut idem praefectis allodiorum, molarum civitatis et aliis severissime demandavit, alii, nimirum supradicto castellano praefecturam pagorum et ceterorum omnium publicorum bonorum cum ipsorum directorio demandans, sicuti nunc is decimas frugum in pagis passim, reditusque ceteros ipsis penitus exclusis percepit, adeo ut publica civitatis munia et officiolatus plane cessent et omnia interrupta iaceant, aedificia moeniorum post triennem illám conflagrationem nondum penitus restaurata, in quibus hactenus in dies laboratum est, summo cum ipsorum dispendio et civitatis damno ad finem perduci non possint. Licet autem supranominatus dominus generalis ipsorum praetendat inobedientiam, quod templum frequentare et cetera ipsorum religioni et conscientiae contraria subire nolint et dubio procul satis se ideo habere causae putat, quamvis nullum caesareum superinde mandátum exhibeat, neque illos 2 V. ö. 29., 30. sz.-mal.