Zsinka Ferenc szerk.: Magyar protestáns egyháztörténeti adattár. XII. Budapest 1928.

Miskolczi Csulyak István esperesi naplója és leveleskönyve

?. Febr. Petrus Pataki pastor Ujheliensis circa Beregszász cupit testimonium Laurentii Pataki pastoris Azariensis de bonis Patakinensibus. 9. Superattendenii transtibiscano commendo Georgium Onadi ex Zalkod ad Rakomaz. Venerande vir, Domine et in vinea Christi honorandissime synerge ! gratiam et pacem cum Spiritus Sancti sanctificatione precatus, officiosam amicitiae et fraternitatis thesseram offert. Praesentium ostentor Reverendus Georgius Onadi, qui antea per quinquennium sub senioratu Reverendi Francisci Ráczkevi in ecclesia Igar dicta in comitatu Kisheves pastorali functus dicitur officio, nunc iterum a nobis ex ecclesia Mesopotamiensi Zalkod, ubi biennio docuit, Tibiscum transnare, sed non sine cortice contendit, serio apud me institit, ut commendatoriis meis suffultus, liceat iterum sibi apud bonos, idest apud vos pingviori bolo nutriendus bene agi. Cujus ego petitioni, quia nec debui, nec volui deesse venerabili pietati tuae talem commendo, qualem vicinia mea cognovit, hoc est virum probum et officio suo fideliter functum. Quare pietatis tuae venerandae fuerit, eodem hunc, quo alios fratres solita est, affectu complecti deque functione prospicere. Praemium sacerdotale a supremo brabeuta, a me meisque amoris honestamentum expectatum. Vale vir venerande maximo Dei et Ecclesiae suae orthodoxae emolumento. Raptim Lisca 15. Mártii 1634. Tuus omni officio et pietate conservus Steph. Miscolcinus, almae fraternitatis in dioecesi Zemplén, senior. 10. Stephano Tholnaeo Patakinun Michaelem Göncium pro diacono commendo, 6. april. S. P. Quandoquidem mearum est partium vulneribus Ecclesiae secundum vires mihi divinitus commissas mederi, defectusque supplere, ne quid detrimenti grex Domini in absentia pastoris sui capiat

: mei me officii ratio cogit, ut vestrae quoque ecclesiae rupturam resarciam et pie in Christo denati Carolii locum alium non minus