Zsinka Ferenc szerk.: Magyar protestáns egyháztörténeti adattár. XI. Budapest 1927.

94. sz. Miskolczi Csulyak István Diarium-ából. - 1. Miskolczi Csulyak István önéletrajza

propter arcis Agriensis per turcam obsidionem, et tarnen ego fideli meo servitio XXXVII. florenos comparavi, vestesque carasiaceas fieri curavi, et mox primordio anni 1598. Uyhelinum sum profectus, cuius tunc scholae rector Gregorius Waaczi, qui postea eodem anno 22. Februarii sororem minorem natu Dorotheam pro uxore habuit. Huius importunitate aut morositate a schola alienior factus, eiusdem tarnen commendatione Patakinum descendi 7. Julii, ubi ecclesiae praefuit reverendus vir Thomas Fabricius Tholnensis, qui anno 1599. 2. Februarii in vivis esse desiit. Scholam gubernavit clarissimus Demetrius Carcovius Transylvanus, generosi Baronis Michaelis Forgats de Gimes in academia Witebergensi et Argentoratensi quondam ephorus, qui cum manuum pedumque ministerio destitutus esset, nihilominus Aululariam Plauti professus est. Interea ne penitus auditores doctore destituerentur, Göncino ad lectoris munus adductus est Balthasar M. Debrecinus anno 1598. 8. septembris, qui logicam Fortunati Crellii, Ciceronis pro Milone orationem, et Theocriti poéma Graecum enarravit. Demetrio Carcovio ad immortalitatem migranti, eiusdem anni 14. decembris, Emericus Katona Uyfalusi successit. Sub cuius fideli informatione cum meipsum diligencia superare contendo : en grandem studiorum meorum remoram. Uyheliensis enim scholae alumni, cum contra rectorem Gregorium Waaczi conspirassentet primario pastori Matthaeo-Tihemeri, judici senatoribusque persuasissent, si rectorem in sequentem etiam annum conducerent, se scholam vacuam studiosis relicturos ; quod et factum est; verum paucis tantum exceptis omnes fere horrenda perierunt morte, quia conspiratores fuerunt. Venia itaque Vaczino data a civibus, illustrem Baronem Franciscum Dobo de Ruzka male habuit, coniugis enim ipsius Magnificae heroinae Judithae Keletseni sumptibus Vacius in academiis studuerat, postea eiusdem Baronis indultu, ex lectoratu Patakinensi Uyhelinum profectus erat; ideoque civibus de Vacio retinendo praecepta dedit, etiamsi scholastici schola exessent, hoc addens, Vacium esse virum doctissimum, ideoque cives si copiam habuerint furfurum, habituri sunt etiam copiam suum. Vacio iterum in rectorali munere confirmato, non plures, quam quinque habuit auditores natione sclavos, qui cum nescirent et notariatu oppidi fungi, et horologium moderari, ego permultus Vaczii et matris hortatibus, senioris scholae Joannis Illyrici rectorumque Patakinensium suasu inpulsus, anno 1599. 4. Maji, Patakino Uyhelinum migravi,