Stromp László szerk.: Magyar protestáns egyháztörténeti adattár. IV. Budapest 1905

3. Pathay István és Kanizsai Pálfi János levelezése. (1607—1636.) — Thúry Etele

possunt: imo adversus fraternam charitatem militantes simultantes, et odia augebuntur et íirmabuntur. De statu Domini Magnifici a te doceri discupio, an quoties, et quo perfectu unctus sit oleo a me ordinato. Num melius habeat, ad me per eundem Szilium diligenter perseribas. Vale felicissime. Datum Veszpremii 30. die maii. Anno 1618. Meae vitae socia, salutat domum tuam amicae salutationis osculo Domino Paulo Crackaio dices ex me salutem. Iterum vale. Fráter in Domino, et amicus sine dolo Stephanus Pathaynus. Kívül: Reverendo eximiaeque eruditionis laude celebri viro, Domino Joanni Paulidae Canisaeo fidelissimo ecclesiae Papensis ministro, et districtus eiusdem seniori vigilantissimo etc. fratri in Domino, filii loco colendo. 31. Pathay István Kanizsaihoz. Spiritum sanctificationis, fortitudinis, et pietatis, a Deo, per Dominum nostrum Jesum Christum praecatur. Iniquitas novissimi seculi, quibus malis, quibus curis, et solicitudinibus oneret et premat vires meae tenuitatis, tibi considerandum relinquo. Vides enim magna ex parte sortem et statum ecclesiarum, quibus me Deus, ex sua benignitate,' praeesse voluit: meliora speranti difficiliores superveniunt curae. Metuo fili, ne orantis Moysis elevata langvescant brachia, si sustentata suffultaque pia fidelitate Aaronis et Hur non fuerint. Quid rescribat Dominus Sárkány vides ex autographo ipsius: maturandum est, ne vei authoritatis diminutionem ulteriori dilatione patiamur, vei ecclesiae laboranti ruinam accersamus. Itaque perlectis praesentis, tuum iudicium ad me perseribas, quid faciendum censeas. Cogor velocius scribere et interrumpere ea, quae adhuc erant intimanda, ob tabellarii inopinatum discessum. Perlectis literis Domini Sárkány, iterum eas tuis inclusas per hos eosdem remittas. Vale feliciter, Datum Veszpremii 1. Junii. Anno 1618. Tuus sine dolo Stephanus Pathaynus, manu oitissima. Kívül: Reverendo, multisque animi dotis excellenter ornato viro, Domino Joanni Paulidi Canisaeo, fidelissimo ecclesiae Papensis ministro, et seniori districtus eiusdem vigilantissimo etc. Amico et fratri in Domino filii loco colendo.