Stromp László szerk.: Magyar protestáns egyháztörténeti adattár. II. Budapest 1903.

1. Ág. hitv. ev. zsinatok a bécsi béke előtt. (Thury Elemér) - XII. Murányi és Kishonti czikkek, 1596

coalescamus in dilectam concordiam, et laudetur aeternus Deus in coelis. De coetero cupimus, ut praesentes honeste excipiantur et perlectae sine ulla mora ad vicinum de vicino, fideliter transmittantur, quo tempestivius omnibus constat, neve per iniuriam aliquam, vel latinitatem alicubi, vel sponte retineantur vel amittantur. Quilibet etiam horam et diem qua fuerint praesentatae et ad vicinum transmissae, haud gravatim assignabit, ut cum fuerint restitutae nobis sciatur, cur fortassis aliquis retardatus, possit excusari. Quod reliquum est omnes aeterno Deo in tutelam commendamus, et ut sit mens sana in corpore sano, sincere exoptamus, Datum Alnoviae, * Sabbatho ante Dominicam Trinitatis Anno Domini 1596. Reverendarum Vestrarum addictissimi, Georgius Fabritius Alnoviensis, consenior coeterique fratres vallis Muranis et alibi. 2. Sculteti János kishonti főespereshelyettes válasza. RimaBrézó 1596 július 15. Relatio ab iisdem pastoribus animarum supra in titulo nominatis virulentissima. Salutem cum rerum omnium felici successu! Accepimus literas vestras viri doctissimi, quas non velut ad amicos, aut eiusdem vitae sortis, et fortunae socios: verum hostes abiectissimos scripsistis. Quo nos ingenia vestra viri candidi, aut doctrinae religio impulit? ut quos in vitae et charitatis unionem pertrahere voluistis, tanta verborum pernicie notaretis ? Nova et inaudita scribendi ratio! dum illos, qui a nobis defecerunt, criminum obiectione, vel iure, vel imperio, aut emendicata auctoritate, in amicitiam cogere contenditis. Placidis opus fűit sermonibus, svavi eloquentia et familiarissima epistola. Id quia neglexistis, nostrum etiam animum ad virulentiam et amaritudinem concitastis. Dabitis ergo veniam, si in refutandis obiectionibus, nos aliquanto acerbiores sentietis. Principio defectionem nobis, velut aliquod grandé facinus, communi sententia obiicitis, et ad statutam vestro arbitrio diem, in municipio Muranyensi adesse iubetis, demum rationes, quae