Stromp László szerk.: Magyar protestáns egyháztörténeti adattár. II. Budapest 1903.

2. Somogyi Péter naplója. 1557—1558. (Stromp László.) Kétrészben. Elmondja Oláh Miklós esztergomi érsek alatt Pozsonyban, Nagyszombatban, Znióváralján átszenvedett fogságát és vallatását és majd meg kiszabadulását .

exiguo corporis detrimento nomine denique ac fama, manifestis exposita ludibriis, hinc illinc misere iniquis protelatus verbis, comitiis laceratus, irrisus, multisque injuriis affectus. Neque tarnen sic undique sauciatus (Laudetur Creator) deductus sum ab animi proposito, idque Tyrnavia Preside Nicolao Olah Archiepo. Strigonien. Cum nimirum Anno Superiori 1556 more illorum Natalitia Christi peragerentur, unde divina favente gratia liberatus fui, quae mihi fere in extrema succurrit necessitate. Nam alioquin Captivitas ipsa presagiebat vincula durissima, juxta quorundam Aulicorum sententiam, loco tormentorum obscurissimo, visu difficili, auditu difiiciliori, reditu vero difiicilimo. Verum longe secus ex divina Providentia, consilia eorum successere, nam Preside recedente una cum suis manumissus fui ad propria. Primum Capiiulum. Sed nunc rursus proh infelix, incidi in casses diu mihi extensos, involutusque sum laqueo, quem mihi absconderant iniqui. Quibus autem technis diabolicis simus circumventi, ut hanc duram pateremur captivitatem, paulo altius repetendum duxi, commonendorum Amicorum nostrorum causa; ne et ipsi, quasi inprovidi, in hanc, vel similia hinc tormenta incidant. Felix, qui aliena pericula seit prohibere incautus proprio erimine doctus erit. Siquidem provisa jacula (ut ajunt) minus feriunt, nec Semper Amicus, qui blande loquitur, nec semper inimicus, qui durius corrigit, habendus est. Assidueque mecum illám gnomen, quasi pro oraculo Delphico circumgerebam: An nescis longas Regibus esse manus. Labentibus itaque, suo motu naturali, nonnullis mensibus, resedi in loco priori nomine Sellye, ad fluenta nemorosa Wagh sito, ubi juxta vocationem scholasticam pueros fldei meae commissos in arte literaria juxta datam gratiam dei exercebam, tum alia, quae ad bene beateque vivendum spectant. Quo non tarn solvendi praemium, quam raritas docendi pellexerat, misertus scholasticae barbariei, quae passim plus satis grassabatur, neglectis interdum, propter turcicam tyrannidem, optimis liberalibus studiis. Cum igitur post ferias paschae Baltasar Goztony, cubicularius Archiepi Strigonien ex improviso adesset, jubet me bono esse animo alioquin perterritum, quaeque laeta ac pro-