C. Tóth Norbert (szerk.): Documenta ad historiam familiae Bátori de Ecsed spectania I. Diplomata 1393-1540 - A nyíregyházi Jósa András Múzeum kiadványai 67. (Nyíregyháza, 2011)
Oklevelek
Oklevelek 218 thech, Gorbowcz, Deche, Petherhyda, Komlosd, Zedrygh, Babolcha, Barch, Bewlchew, Aranyos, Daran, Zenthgyergh, Kalmanchehy, Chokna, Wylak, Zarwas, Labad, Somoghwar, Lathran, Kereshegh, Zaarzo, Nezde, Kyskereky, Naghkereky, Zemes, Polcza et Iwth ac opidum Zakan possessionesque Intho, Gekenyes, Kerektho et alie pertinentie eiusdem omnino in dicto Simigiensi ac Maros in Wesprimiensi, item Naghletha et Kakath in Byhoriensi comitatibus adiacentia ius femineum veluti masculinum sequerentur, condam quoque magnificus dominus Ladislaus Marczaly1 de dicta Marczaly prescripta castra, opida et possessiones antedictas a prelibata domina Barbara matre dicte puelle Dorothee in dispendium salutis anime sue alienando manibus magnificorum Andree, Pauli et Georgii ac condam Stephani de Bathor assignasset, quas et que totaliter simul cum cunctis litteris et litteralibus instrumentis factum dictorum castrorum ac opidorum et universorum iurium possessionariorum superius evidenter conscriptorum tangentibus et concernentibus ipsi Andreas, Paulus et Georgius de iam fata Bathor minus iuste et indebite ac preter omnem viam iuris potentialiter conservarent etiam de presenti in preiudicium et dampnum dicte puelle Dorothee valde magnum. Unde eadem puella Dorothea filia annotati Emerici Bany illa et illas, que ius femineum sequerentur, ab eisdem dominis de Bathor rehabere, de illis vero, que solum modo ius masculinum sequi viderentur, iura quartalitia dicte domine matris sue ac dotem et res paraffernales prenominate domine avie sue simul cum paribus cunctorum et universorum litteralium instrumentorum a prefatis Andrea, Paulo et Georgio de Bathor similiter rehabere vellet lege regni requirente. Super quo vestram amicitiam presentibus petimus diligenter, quatenus vestrum mittatis hominem pro testimonio fidedignum, quo presente Andreas vel Lucas de Bessenyew sive Stephanus de Korothna seu Gregorius de eadem ceu Iohannes Kalnay de Inakod aut Ladislaus Bardy de Zenthkyral neve Nicolaus de Boda aliis absentibus homo noster erga prefatos Andreám, Paulum et Georgio de Bathor accedendo amoneat eosdem dicatque et committat eisdem verbo nostro, ut ipsi prescripta castra, opida et possessiones dictorum dominorum de Marczaly, que ius sequuntur femineum, simul cum paribus cunctorum et universorum litteralium instrumentorum eidem puelle Dorothee reddere et restituere, de illis autem, que tantummodo ius sequuntur masculinum, iura quartalitia dicte domine Barbare matris sue ac dotem et res paraffernales domine avie sue solvere debeantur et teneantur, qui si fecerint, bene quidem, alioquin evocet eosdem contra annotatam puellam Dorotheam ad octavas festi Beati Michaelis archangeli nunc venturas nostram in presentiam rationem superinde reddituros efficacem, insinuando ibidem eisdem, ut sive ipsi octavis in predictis coram nobis compareant, sive non, nos ad partis comparentis instantiam id faciemus in premissis, quod iuri videbitur expediri. Et post hec huiusmodi amonitionis, evocationis et insinuationis seriem cum amonitorum, evocatorum et insinuatorum nominibus octavas ad easdem nobis amicabiliter rescribatis. Datum in Korothna, feria sexta proxima ante festum Beati Mathei apostoli et ewangeliste, anno Domini millesimo quadringentesimo nonagesimo quarto. 1 Előtte kihúzva: de.
