Kisparti János: A váci Theresianum története - Váci könyvek 8. (Vác, 1914)
Mellékleten
MELLÉKLETEK V dentiam Episcopalem (quae per Emptionem ad Nos devoluta erat) pro constanti Alumnorum sede, et habitatione destinare, ac secus etiam novo huic Collegio Nostro plures alias Praerogativas et Libertates eo promtius, libentiusque impertiri, quo magis semper Nobis animo insidet ipsius Status Publici Salus, quae utpote absque succrescentia idoneorum, habiliumque subiectorum recte sustineri, conservarique non potest. Quemadmodum autem optatus Instituti huius successus ab eo potissimum dependet, ut Idem certis solidisque Principiis, salutaribusque Constitutionibus innitatur, et sub perpetua vigili cura et inspectione in bono, florentique Statu conservetur, ita hunc in finem benigne ordinamus, statuimus, et volumus; ut Primo: Collegium hoc, prouti per Nos institutum, fundatumque est, ita etiam sub Nostra suprema Protectione, Cura, et Potestate immediate subiaceat. Unde Secundo: In hoc per Nos fundatum Collegium Juvenes non aliter, quam cum Praescitu, et benigno Consensu Nostro suscipiendi, et assumendi erunt, et quidem tales, qui praestantibus ad Studia Talentis a Deo dotati, et simul excitatioris Ingenii, Spiritusque esse comperientur, una vero a bene meretis sunt orti Parentibus; Praeferentiam tamen in Assumptione, Convertitarum, et in Cameralibus Servitiis constitutorum Officialium Filii, ex his per Cameram Nostram Regiam Hungarico-Aulicam numero quatuor proponendi, prae aliis obtinebunt. Tertio: Ipsam vero directionem tam in spiritualibus, quam et Temporaneis rebus, ac totam Collegii huius administrationem (in quantum ea seu Juvenum educationem, seu vero ipsam oeconomiam respicit) Sacerdotibus Scholarum Piarum ex eo libenter concredidimus: siquidem in peculiari Eorum, quem in proba et recta Juventutis educatione adhibent, Zelo, ac Studio plenam Nostram collocemus Fiduciam. Totius autem educationis et disciplinae Ordo in novo hoc Nostro Collegio ad Normam in Viennensi Nostro Collegio Theresiano sta bilitam redigendus, introducendusque erit; Spes autem in reliquo Nos certa tenet Quarto: Antelatos Patres Piarum Scholarum pro consveto suo Zelo omnem curam, et operam eo sollicite adhibituros: ut nonmodo ad docendas humaniores Scholas, verum ad altiora etiam studia, praecipue autem Philosophicum, Mathematicum, Chronologicum, Geographicum, et Heraldicum tradenda vel maxime idonei Professores seligantur; una autem ad tenellam Juventutem bonis quoque moribus imbuendam, tales constituan-
