Kisparti János: A váci Theresianum története - Váci könyvek 8. (Vác, 1914)
Mellékleten
XXXVI MELLÉKLETEK potissimum autem eorum rationem habeat, quos a caeteris, quamvis benemeritis, hoc nomine despici, aut premi animadverterit, Literariis, aut aliis Corporis Exercitationibus quandoque intersit, ut ipsa praesentia ad faciendum strenue munus Juvenes excitentur. §. 16-us. Rei familiaris suprema Cura, et de illa rite providenda specialis Ordinatio Rectori competit; Illius proinde erit Cibaria in Prandium et Coenam disponere, ac de iis, quae pro usu Collegii requiruntur, per Provisorem Collegii providendis constituere. §. 17-us. Rector, quae Superioribus suis vi muneris sui referenda, aut declaranda habuerit, scripto complectatur; commissa vero, aut responsa illorum die percepti Notanda in Archivo conservet, futurae directioni deservitura. Instructio Vice-Rectoris. §. 1-us. Vice-Rector in Auxilium, ac Levamen Curarum, Laborumque quae Collegii Regii graves, una multiplices incumbunt, se constitutum esse intelligat, omnibus igitur rebus promptam, ac paratam Ei navare operam velit. Sunt vero munia alia Ei peculiaria, alia, quae ex communicata Rectoris Auctoritate in eum derivantur, et hac quidem potestate non ex proprii Animi Sententia, sed ex mente, et Voluntate concedentis, nec aliter unquam utatur, §. 2-us. Quae Officio adhaerent, peculiaria munia Sunt; de Vestitu tam Alumnorum et Convictorum, quam etiam Servorum Tessera providere, cum Provisore, Dispensatore, ac Coco de rebus necessariis ex mente Rectoris conferre, quantum Carnis Panis item
