Nyakas Miklós: Az „ismeretlen” szerencsi kiáltvány (Bocskai-szabadságharc 400. évfordulója 7. Debrecen, 2006)

A források

vnter dem schein der Defension dieses Reiches in schwebendem Kriegswesen vnsere widerwertige / vns in die äusserste Debilitation vnd abnemen zutreiben vnderstanden / die fortalitiae einzunemen / vns hernach garn außzurotten / oder vnter die Fuß zutretten / beschlossen. Derwegen von vns für eine vnumbgängliche noturfft erachtet worden / jeweder vmb erhaltung seines Christlichen glaubens Alj 4. oldal Beschützung deß Vatterlandes vnnd dieser Nation Freyheiten sein Wehr angürte / vnnd wider die Feind streite. Daß nun die Teutsche Nation solcher Feind sey/ die das Hauß Österreich bißher / vns zu belistigen vnd verderben Järlich gesändet / wil ich mit der ganzen Welt bezeugen / darüber sich die benachbarten / frembde Natione[n] verwundert / d[a]ß wir jr stoltz vnd hochmütiges joch so lang ertragen vnd erdulden mögen. Dann sie vns nit allein in Regionssachen persequirt / die Kirchen occupirt / die Lehrer deß Worts Gottes vertrieben / oder gar vmbs Leben gebracht / wie wir mit grossem Hertzleyd sehen müssen / Sondern auch der Römische Bapst vnnd seine Teutsche Adhaerenten der Fürsten vnserthalb verderbliche Diseurs abgedroschen / wie vnsere Alte Freyheiten vnter dem schein deß Rechten vnter zurdrucken / vnd wir vnter das Joch deß Geistlichen Stuels wider gesteckt würden. Wie mancher / sonderlich der an Gelt vnnd Gütern etwas vermocht / bißhero mit höchsten schaden / genugsam erfahren / vnnd noch empfinden thut. Ob aber wol sich mancher ingedult williglich darein ergeben / so hat er doch kein Huld noch Credit bey jnen erlangen mögen / Da einer auch wegen Ihrer May [estât] das leben geendet / ist man doch gegen seinen hinderlassenen Waysen in voriger vnschultigkeit (?) verharrt. Vnnd da wir vns gleich auff new vereinigten / ists doch ein vnmüglich ding / was sich bißhero verloffen invergessenheit zu bringen: Sie halten vnschuldige wie schuldige. Dessen vns genügsame Exempel geben vnsere Sibenbürgische Brüder / wie Tyrannisch sie mit denselben vmb gange[n], wie schrecklich sie die gemartert / mit harter pein letzliche[n] / öffentlich vnd heimlich hinrichten lassen: Die sie aber mit Gewalt vnter die hende nicht bringen mögen / haben sie gegen solche jre meisterliche listen / falschen Eyd vnd zusagen gebraucht vnd betrogen / wie solches dann etliche[n] fürnemen Hauptleuten / so ihnen auff trawen vnd glauben Stadt