Varga Gyula: Egy falu az országban (A Hajdú-Bihar Megyei Múzeumok Közleményei 33. Debrecen, 1978)

V .Függelék - Kismarja város kiváltságlevele

rotarum erigere in rationem totius communitatis possint, cuius prouentum et reditum in commonem Oppidi usum aliis diebus transferant, Sabbathalem vero prouentum a' matutina hora eiusdem diei ad matutinam horam usque diei solis in singulis septimanis et hebdomadis, quotquot rotarum fuerit, alumnis Scholae eiusdem Oppidi plene, integre et totaliter percipere admittant. DUODECIMO. Eosdem haeredesque et posteritates ipsorum utriusque sexus uniuersos ab omni censuum, contributionumque tam ordinariarum quam extra ordinariarum, subsidiique et lucri Camerae nostrae (exceptis taxis qualibuscunque in generalibus dominorum Regnicolarum Comitiis pro tempore ipsis imponendis) vectigalium, thelonii fisco debentium ubiuis in ditione nostra constitutorum solutione, frumentuumque exercitualium et Castrensium exactione, Exercituumque et quorumuis velitantium in ipsos condescensione, seruitiorum quorumlibet plebeorum et Ciuilium exhibitione, Decimarum, Nonarum et Capetiarum quarumlibet, in territorio ipsorum ex vineis, seminaturis et allodiaturis eorum cedere debentium pensione (ea ratione et modo ac conditione, quod exactis uniuersis decimis et in unum comportatis, a' Judice dictae Communitatis in toto perceptis et integre collectis, semper in usum et solutionem ac sustentationem ministrorum verbi Domini Rectorum et alumnorum Scholae Kis Marianae deputetur. Nonarum verum perceptio e' medio ipsorum penitus tollatur, neque unquam amplius apud ipsos in consuetudinem veniat,) benigne eximimus et supportamus. DECIMO TERTIO. Fora quoque annualia tria singulis annis, primum quidem post festum videlicet sacrae Penthecostes feria quarta, Secundum post festum Epiphaniarum Domini tertia, Tertium vero post festum Beati Nicolai confessoris vicissim tertia, immediate subsequentibus feriis diebus, Fora etiam hebdomadalia singulis feriis quartis in qualibet septimana omnio sub iisdem libertatibus, quibus fora annualia et hebdomadalia aliarum liberarum Ciuitatum, Oppidorum, Villarum et Possessionum celebrantur, absque tamen praeiudicio aliorum fororum annualium et hebdomadalium vicinorum locorum, annuimus. DECIMO QUARTO. Quod attinet ad Oenopolium seu educillationem vini aliorumque cuiuslibet generis potuum sub hedera educillari et ven(d)iri solitorum, in eo omnem illis propinandi facultatem et potestatem semper et omni tempore tribuimus, neque unquam illud vel in rationem nostram vel vero Curiae Kerekianac applicaturi aut aliis quibuslibet sibi hoc ipsum praesumere permittimus. DECIMO QUINTO. Nullius ad instantiam Equos veredarios, siue ut vocant Cursorios, absque nostris successorumque nostrorum litteris salui passus, ac etiam victualia administrare teneantur. DECIMO SEXTO. In eo quoque ipsos affidatos et certificatos esse volumus, quod eosdem haeredesque et posteritates ipsorum uniuersos nullo unquam tempore cuique conferemus, sed eos pro Priuilegiato semper Oppido habituros gratiose promittimus. — Quocirca Vobis Spectabilibus, Magnificis, Generosis, ac Nobilibus Comitibus, Vicecomitibus et Judicibus Nobilium, Dicatoribus, Connumeratorum Exactorum quarumcunque Contributionum Decimatoribus dicti Comitatus Byhariensis, Belliductoribus, Campiductoribus, Castrorum et Excubiarum Magistris, Distributorum hospitiorum Capitaneis, Praefectis, Prouisoribus, Castellanis arcium, notanter autem arcis nostrae Kekianae ac aliorum quorumuis locorum Officialibus, Tricesimatoribus, pontium, passuum, vadorum, trajectorumque (?) custodibus eorumque vices gerentibus, Ittem ( = item) Prudentibus et Circumspectis Magistris Ciuium, Judicibus, Villicibus et Juratis Ciuibus quarumlibet Ciuitatum, Oppidorum, Villarum et Possessionum, Cunctis etiam aliis cuiuscunque status, dignitatis, conditionis et praeeminentiae homini-