Radvanszky Béla - Závodszky Levente: A Héderváry-család oklevéltára. első kötet (Budapest, 1909)

absque heredum solacio ingresso, predictam possessionem cum aliis possessionibus et dicto castro Thamasy magistro Alexandro de Azara titulo possessionis ipsius Philippi sine herede decessi tamque ad manus regias rite et legitime devente regni sui consuetudine requirente pro suis meritoriis fldelibus serviciis perpetuo contulisse et titulo premisse regie collacionis eandem possessionem prefatum magistrum Alexandrum per tempus vite sue pacifice possedisse, et tandem ipso magistro Alexandro similiter solacio heredum destituto migrato ab hac luce, prefatam possessionem Borsker, alio nomine Remete nuncupatam, cum dicto castro et aliis possessionibus ad idem castrum pertinentibus premisso iure sine herede decessionis in regias manus reversam extitisse, sicque ipsa regalis providencia eandem cum dicto castro et ceteris ad ipsum pertinentibus eis in premisso concambio contulisse ex eoque ad ipsum castrum pertinuisse et pertineri debere homines regios sub testimoniis pretactorum capituli et conventuum diligenti inquisicione prehabita, ab omnibus nobilibus et ignobilibus clericis ac laicis quarumlibet vicinarum et comprovincialium villarum palam et occulte scivisse declararant. Ouibus omnibus perceptis predictus Andreas dictus Malach in contrarium omnium premissorum primo quasdam literas predicti domini Karoli regis, sub anno domini millesimo trecentesimo quadragesimo (1340.) confectas anulari sigillo eiusdem consignatas eidem comiti Paulo presentarat continentes, quod predicti Nicolaus, Andreas et Ladizlaus dicti Malach filii Benedicti, filii Bors, fideles eiusdem domini Karoli regis sue regie maiestati conquesti fuissent super eo, quod quidam possessionem eorum Borsker vocatam in comitatu Symigiensi existentem ab eis alienare vellent eo titulo, ut ipse dominus Karolus rex ipsam possessionem eorum ab eis abstulisset, ipse vero respondisset eis, ut illud ius possessionarium, quod ad proprietatem eorum et Andree, fratris eorundem pertineret, ab eis non abstulisset, et aliis non dedisset quibuscunque, ymo quoslibet fideles suos in eorum iuribus voluisset conservare. Demum idem Andreas alias quamplures literas capitulorum Albensis et Quinqueecclesiensis ecclesiarum ac comitum Symigiensis et Tolnensis comitatuum, necnon iudicum