Radvanszky Béla - Závodszky Levente: A Héderváry-család oklevéltára. első kötet (Budapest, 1909)

Wladislaus dei gracia rex Hungarie et Bohemie etc. fidelibus nostris, capitulo ecclesie Jauriensis salutem et graciam. Mandamus fidelitati vestre harum serie firmiter, quatenus alias literas nostras preceptorias fideli nostro egregio Stephano de Hederwara sonantes, pro parte fidelis nostri nobilis Johannis de Thayna emanatas, cum presentibus vobis exhibentur, per vestrum testimonium fide dignum eidem exhiberi et presentari faciatis, qui si personaliter reperiri poterit et in termino per nos eidem in dictis literis nostris preceptoriis prefixo se compariturum allegaverit, bene quidem; alioquin de domo habitacionis sue sive solite eiusdem residencie ammoneat eundem, dicatque et committat eidem verbo nostro regio, ut ipse tricesimo secundo die a die exhibicionis prescriptarum literarum nostrarum preceptoriarum sibi fiende computando coram nostra maiestate, ubicunque deo duce tunc constitueremur, personaliter. vel per procuratorem suum legitimum absque ulteriori procrastinacione comparere debeat et teneatur ad contenta querimonie prefati exponentis in dictis literis nostris preceptoriis contente responsurus, aliasque a nobis finalem deliberacionem debiteque iusticie complementum recepturus, prefato eciam Stephano de Hederwara iobagiones suos eidem in dictis literis nostris preceptoriis statuere commissos, prout ad ipsum pertinet, nichilominus statuere committendo. Secus non facturi. Datum Bude, in festo beate Margarethe virginis, anno domini millesimo quingentesimo duodecimo. (1512 jul. 13.) Preceptoriarum vero prefato Stephano de Hederwara loquencium tenor sequitur in haec verba: Wladislaus dei gracia rex Hungarie, Bohemie etc. fideli nostro egregio Stephano de Hederwara salutem et graciam. Exponitur maiestati nostre in persona nobilis, Johannis de Thayna, quod cum sabbato proximo post festum beati Urbani pape (mdj. 29.) idem exponens more aliorum nobilium in sede iudiciaria comitatus Jauriensis in civitate Jauriensi celebrari solita fuisset constitutus, tunc tu nescitur, unde motus, missis et destinatis Blasio literato, familiare tuo ac providis Martino Fekethe, Blasio Fekethe, Alberto Nagy in Zabady ac Georgio Nemeth, Petro Bach, Georgio Wamosy,