Radvanszky Béla - Závodszky Levente: A Héderváry-család oklevéltára. első kötet (Budapest, 1909)

dietatum possessionum Kapozthasmegyer et Zazhalom poreionumque possessionariarum in possessionibus Erd et Berky vocatis in comitatu Pesthiensi existentibus habitarum, que alias condam Nicolai de Salgo prefuissent, sed per notam proscripcionis, qua idem racione cusionis falsarum monetarum fuerat innodatus, ad regiam maiestatem devolute extitissent, sicque per condam dominum Sigismundum imperatorem et regem cuidam Gwnther similiter Sthoz, consanguineo dicti Egidii Sthoz vigore certarum literarum tam suarum exinde confectarum, quam eciam aliis nonnullis modis pro certis sumpmis pecuniarum, utputa usque ad numerum sex millium florenorum auri conscendendo literis in eisdem specificatis impignoratarum, mediantibus literis capituli ecclesie Budensis statutoriis ad mandatum dicti domini Sigismundi imperatoris et regis emanatis eidem Gwnther Sthoz iuxta regni nostri consuetudinem iuridice statutarum et per ipsum satis longo tempore pacifice possessarum in presenti congregacione generali universitati nobilium Pesthiensis et Pilisiensis comitatuum feria quinta proxima ante dominicam Letare (mdrcz. 5.) prope civitatem nostram Pesthiensem per maiestatem nostram celebrata nostram in presenciam traxerit in causam, causaque in eadem adversus eosdem ordine iudiciario procedendo iuxta huius regni nostri consuetudinem, iurisque vigore exposcente ipsos agravare pretenderit, ymmo iidem quodam modo iam se agravatos fore conspexerint. Tamen ipsi ordinativa composicione reverendi in Christo patris, domini Johannis episcopi ecclesie Quinqueecclesiensis ceterorumque nonnullorum dominorum prelatorum et baronum nostrorum inter ipsos pro pace laborancium interveniente, sedatis prius et sopitis premissa causa inter eos, ut premittitur, mota, cunctisque aliis differenciis et dissensionibus racione predictarum possessionis Soskwth ac medietatum possessionum Kapozthasmegyer et Zazhalom porcionumque possessionariarum in dictis possessionibus Erd et Berky habitarum usquemodo qualitercunque exortis, motisque et suscitatis, universis eciam literis ambarum parcium tam scilicet dictis literis prefati condam domini Sigismundi imperatoris et regis et aliis quibuscunque super pretactis sumpmis florenorum auri et impignoracione ipsarum possessionis me-