Radvanszky Béla - Závodszky Levente: A Héderváry-család oklevéltára. első kötet (Budapest, 1909)

dietatisque possessionum et porcionum possessionariarum predictarum, literis eciam statutoriis exinde subsecutis et aliis quibusvis pro parte prefati condam Gwnther Sthoz, quam eciam aliis quibuslibet literis ipsarum ambarum parcium facto in premisso contra sese usque ad hec tempora qualitercunque emanatis et emanari procuratis, vanis, cassis et frivolis, viribusque ipsarum penitus destitutis relictis et commissis, causa in premissa taliter inter se concordassent, ymmo concordarunt nostri in presencia eo modo, ut annotati Emericus et Nicolaus de Hedrehwara, alter Nicolaus de Kalno, Andreas et Franciscus matura deliberacione superinde prehabita pro totali expedicione, condescensioneque et reali satisfaccione sumpmarum pecunie memorati Gwnther Sthoz predictarum, eodemque Gwnther Sthoz iam defuncto, ipsi Egidio similiter Sthoz consanguineo eiusdem Gwnther Sthoz, in quem scilicet Egidium Sthoz tam racione consanguineitatis prenotate, quam ex testamentaria disposicione alterius Gwnther Sthoz dicti filii scilicet ipsius senioris Gwnther Sthoz, familiaris dicti domini imperatoris et regis, quemadmodum ex literis iudicis et iuratorum civium dicte civitatis nostre Budensis pro parte ipsius Egidii Sthoz exinde confectis sane informabamur, et simili modo iidem Emericus et Nicolaus de Hedrehwara, alter Nicolaus de Kalno, Andreas et Franciscus filii Ladislai Magni plenarie fuerunt edocti, universa iura et bona quelibet ipsorum utriusque Gwnther Sthoz sunt redacta et devoluta, solvere debe[ant . . . .] duo milia et ducentos florenos auri puri Hungaricales boni et iusti ponderis dare et solvere se obligarunt, ymmo omnibus et quibuscunque subterfugiis et cavillacionibus postpositis ac semotis se ipsos annotato Egidio Sthoz racionibus ex premissis dictis duobus milibus et ducentis florenis auri puri boni et iusti ponderis per huiusmodi factam inter eos concordiam veros debitores existere pronunciarunt coram nobis; volentes nichilominus iidem Emericus et Nicolaus de Hedrehwara, alter Nicolaus de Kalno ac Andreas et Franciscus sepefatum Egidium Sthoz, civem dicte civitatis nostre Budensis de rehabicione ipsorum duorum milium et ducentorum florenorum auri puri certum reddere et securum, pretitulatas possessionem Soskwth, nunc per ipsos Emericum