Radvanszky Béla - Závodszky Levente: A Héderváry-család oklevéltára. első kötet (Budapest, 1909)

merarius, necnon Bohemie et Lucenburgensis heres omnibus Christi fidelibus, presentibus pariter et futuris, presencium noticiam habituris, salutem in eo, qui est omnium vera salus. Regalis glorie precipue incumbit honoris cunctorum subditorum honesta desideria graciose premetiri, illorum tamen postulata celerius ad exaudicionis graciam admittere inolevit, quos preclari generis insignitate prepollentes in actu fidelitatis continuos varietas obsequiorum repperit et laboris virtuosi assiduitas evidenti testimonio commendavit. Eapropter universorum, tam presencium, quam futurorum noticie harum serie volumus fieri manifestum, quod cum nos prelatorum et baronum ac pociorum regni nostri procerum communicato consilio et sana deliberacione exinde subsecuta, id statuentes decernerimus et ubique in regno nostro fecerimus publice proclamari, ut universe litere serenissimi principis domini Lodovici, regis Hungarie etc, patris et soceri nostri sub ipsius secreto sigillo tantummodo ac excellentissimarum principum dominarum Elizabeth matris et Marie conthoralis reginarum dicti regni Hungarie, nostrarum carissimarum felicium recordacionum, necnon nostre sub earum atque nostris, tam maioribus, quam minoribus sigillis super factis quibuscunque et presertim possessionariis pro quibuscunque personis, dignitate quavis et condicione fungentibus, ecclesiasticis utputa et secularibus date et assignate, protollendo omni dubio, removendoque scandalo et ad evitanda multa atque varia, que propter sigillorum ipsarum dominarum reginarum deperdicionem, nostrorumque, tam maioris, quam minoris, videlicet duplicis ex causis et racionibus legitimis confraccionem in multorum iuribus et presertim possessionariis dampna gravia et periculosa detrimenta hactenus evenire potuerunt, a festo beati Georgii martyris (dpr. 24.) iam proxime elapso usque festum eiusdem primitus affuturum sub pena revocacionis, anullacionis et cassacionis huiusmodi literarum, non producendarum, per nos vidende, examinande et si opus fieret, sub presenti nostro maiori sigillo, de novo preparato, confirmande, approbande et ratificande nostre claritatis exhiberi deberent conspectum et presentari. Tandem fidelis noster dilectus vir magnificus Johannes, filius Henrici de Tamasy, wayuoda noster Transsilvanus, nostre celsitudinis