Radvanszky Béla - Závodszky Levente: A Héderváry-család oklevéltára. első kötet (Budapest, 1909)
— 86 — rectarum verbaliter in se habencium in octavis diei Cinerum (mdrcz. 6.) proxime preteritis in nostram veniendo presenciam contra Johannem filium Sebeuk de Keme easdem literas dicti capituli nobis presentarat denotantes, quod in personis predictorum magistrorum Georgii et Michaelis regie dictum extitisset maiestati, quod Johannes, filius Sebeuk de Keme circa festum beati Thome apostoli (decz. 21. kdriil) proxime preteritum ad possessionem ipsorum Kalnuk vocatam, omnis iuris tramite eis pertinentem manibus armatis et potenciariis irruendo, quemdam iobagionem ipsorum Geurug nomine captivasset, captumque in suis vinculis conservasset tamdiu, quousque sue placuisset voluntati, et omnio bona eiusdem ac aliorum iobagionum in eadem Kalnuk commorancium penitus aufferendo de facie dicte possessionis affugasset, lite tamen pendente inter ipsos, in preiudicium predictorum magistrorum Georgii et Michaelis valde magnum. Super quo idem dominus noster rex fidelitati dicti capituli firmiter precepisset, quatenus ipsorum mitterent hominem pro testimonio fide dignum, quo presente homo suus regius infra declarandus ab omnibus, quibus deceret,. liceret, sciret et inquireret de premissis omnimodam veritatem, scitaque premissorum veritate evocaret prefatum Johannem, filium Sebeuk contra annotatos magistros Georgium et Mychaelem in suam regiam presenciam ad terminum competentem racionem premissorum redditurum premisse litis pendencia non obstante, et post hec ipsius inquisicionis et evocacionis seriem cum termino assignato eidem fideliter rescriberet capitulum supradictum. Ipsum igitur capitulum preceptis ipsius regie maiestatis obediens, ut tenetur, unacum Stephano Rufo de Molunsuk, homine regio ipsorum hominem Johannem, chori ecclesie eorum clericum ad premissa peragenda pro eorum testimonio transmisisset; qui exinde ad ipsum capitulum reversi eidem concorditer retulissent, ut ipsi feria tercia proxima ante festum Purificacionis Virginis gloriose (jan. 29.) de novo preterita ab omnibus, quibus decuisset et licuisset, nobilibus videlicet et ignobilibus in comitatu Mosoniensi procedendo palam et occulte diligenter inquirendo omnia premissa et quelibet premissorum singula sic fuisse et esse scivissent,
