Kőhegyi Mihály (szerk.): Historia Domus Bajensis. Chronik des Franziskanerkonvents in Baja. Band 1. 1694-1840 - Bajai dolgozatok 7. (Baja, 1991)

Text der Historia Domus

1837

tuna Granatariorum baiensium, qui vigiliis, et aliis honorariis obsequiis exhibendis applicabantur. Sic rebus comparatis die 10. in diem Domini incidente, hora quarta pomeridiana Illustrissimus Praeses splendido carpento a generosis sex equis tracta vectus Urbem ingrediebatur per complures portas, et arcus triumphales allegoriis, et emblematibus ornatos, a compluribus legationibus, et deputationibus salutatus, svavi musica e subdiali /:erkély, altan:/ resonante, a Choro musico Incl[yti] Legionis Conf[ratemitatis] Petrovarad[iensis] facta, Praetorium est ingressus; inde post brevem moram pedes egressus turmas equestres et pedestres, sibi officia exhibentes lustrabat. Vesperi plateae Zomborienses lumine collustratae, aedis praetoriae frontispicium inter decem mille lampadum ignes collucentes duos versus exhibebat:

Bács megye szüle, dicső Rudicsunk! koszoruzza fiát ma;

’S még jelesebb jutalom, a’ nép’ áldása, reád vár.648 649

Inter alias collustrationes eminebant in aedibus Directionis Cameraticae, Societatis Canalisticae, Curiae civicae, praesertim pyramis per Israëlitas erecta cum effigie suae Illustritatis ad vivum expressa. Pompam clauserunt ignes festivi, in foro dati: sicqjue] nox pertransiit. Sequente die vicinorum Cottuum splendidae deputationes, status militares, turmae honorariae, et aliorum innumera multitudo domum praetorium versus praeparavit, ubi hora nona Ordinarius] VComes D. Spect. Josephus Odry indicto conventus lectam deputationem destinavit ad Illustrissimum Praesidem invitandum, qui illico comparens, sedemq[ue] occupans, fidei Sacramentum sermone patrio nuncupavit, tam eleganti oratione muneris sui obligationes svavi, sibiq[ue] propria facundia, omnium animos penetrante exposuit, cui respondit D. Ordinarius] VComes dein Ord[inarius] Notarius D. Beniaminus Latinovics. Post haec ad Ecclesiam itum, et Summo omnium Dno actae gratiae pontificante Rdssmo Dno Antonio Szatmáry, Praepostio S. Steph[ani] de Keő ad Tibiscum, et ME. Colocensis Canonico. — Haec omnia hora 2 1/2. pomeridiana sequebatur opiparum prandium in quinqjue] tentoriis, albi, rubri, viridis, caerulei et flavi coloris, ac pro aliis inferioris conditionis vocatis hospitibus, simul 2500. splendide stratis, et laute oneratis mensis apparatum, sub quo selectissimis vinis, praesertim campanensi in salutem Augustissimi Imp[eratoris] et Reg[is] Ferdinandi, caeterorum ADucum, Regni Primorum, aliorumqjue] litabatur. Pro complemento hora 7 1/2 vespertina 1800. familiae schedis distributis invitatae choreis, ad prodigalitatem usq[ue] splendidis, initium dederunt, saltu ad auroram usqjue] producto.64 Occasione hac poemata, solennitati accommoda patrio, et latino idomate scriptae distribuebantur. — Inter reliqua solennitatis huius adiuncta memorandum est, die 11. Septfembris] /:in quam Illustrissimus Praeses suam inaugurationem defixit:/ anno 1697. ante hos 140. annos per Eugenium Principem insigni victoria Zentensi Provinciam Bacsiensem a iugo turcico liberatam esse.

648 Komitat Bács brachte dich zur Welt, Ruhmreicher Ruditsch! es krönt heute sein Sohn; Der noch hervorragender Preis, der Segen des Volkes, Wartet dich noch.

649 Beszédek, 1837.

432