Kőhegyi Mihály (szerk.): Historia Domus Bajensis. Chronik des Franziskanerkonvents in Baja. Band 1. 1694-1840 - Bajai dolgozatok 7. (Baja, 1991)

Text der Historia Domus

1837

Mensis Martius

4. R. P. Marcellinus Lector examen primi semestris e Studio biblico V. F. octavo post die P. Mansvetus Lector ex Historia Ecclesiast[ica].

9. Fr. Eusebius Bauer, Austriacus Viennensis, SS. Theol. in 2. an[num] auditor, vota tertia accepit. Fr. Marcellus L. N. secunda.

10. Idem Fr. Eusebius, obtento indultu Ministeriali, 21. aetatis anno completo, triennio item in Provincia exacto, lecta pridie resignatione, Seraphicac Religioni voto solenni in manibus A. R. P. Gvardiani semet obstrinxit.

25. Solennitas Anastaseos Dnicae in Ecclesia Parochiali intus peragi debuit, prohibente tempestate nivosa concussum solennem. In Eccla Convcntuali peracta est more hic recepto ducento A. R. P. Gvardiano, eodem et die sequente pontificante.

Mensis totus hiemalis, bruma maxima saeviente, nives, aut si frigus tantisper remisit, pluviae cadebant, mercurio in thermometris ad 9° depresso. Haec mutatio insolita morbos produxit varios, praesertim catarrhum gradus altioris /:influenza, grippe:/ vix domus exstabat, in qua hoc morbo plures, aut pauciores non fuissent vexati.

Mensis Aprilis

Quo nihil, quod memoria dignum esset, accidit, tantisper calidior, sed humidus maiore sui parte, noctes frigidiores evolutionem florum, et incrementum plantarum nimis remorabantur.

Mensis Maius

8. In parte oppidi inferiore exortum incendium duas domos absumsit.

20. Mense adhuc Martio DD. Josephus Brázay, et Stephanus Samuel nomine expositi Mense Novembri Magistratus ad privatas huius expensas Budam ad Exc. Consilium R[egium] cum Libello Supplici, aliisq[ue] requisitis documentis expediti cum certitudine reponendi Magistratus rediverunt. Nec novus Magistratus segnior, et suarum rerum incurius fuit, et hic e gremio sui duos, DD. Joannem Grocsanszky, et Constantinum Gyrorgyevics Budam ad Exc. Consilium /:hic omni spe amissa, Viennam ad Cancellariam Aulico-hungaricam profecti, spe omni rursus frustrati, re infecta rediverunt:/ pariter ad privatas seras, et nonnullorum Nobilium, qui oppidana iura, privilegia, et exemptiones violare, et inique opprimere in deliciis habent, expediverunt. Mense mox praeterlapso Intimatum ab Excelso Consilio hac super re expeditum, et in Generali Congregatione Zomborini diebus primis huius mensis celebrata publicatum fuit. In huius sequelam hodie hora matutina septima idem D. Joannes Czintula Ord[inarius] Judlium, convocato et abolito, et novo per se creato Magistratu, Magistratum priorem restituit, ac tenore intimati cuncta more pristino agi furtivi quasi, et absq[ue] ullo strepitu /:non ut 26. Novembris:/ publicavit. Hunc in finem novus Magistratus .......iussus, antiquus, utpote legitime electus, locum suum occupavit.

23- Occasione restaurati Magistratus die 26. Nov[embris] a[nni] p[ractcrlapsi] etiam Notarii fuerunt electi, nempe Josephus Horváth Jur[ is] F. U[triusque] Advocatus, primarius, et Joannes Turay secundarius confirmatus; sed hoc mox expuncto, quidam Móricz Michaël ei substitutus: qui tamen audita Exc. Consilii determinatione semet hoc munere sponte abdicavit, et ex oppido penitus di-427