Barabás Samu: A római szent birodalmi gróf széki Teleki család oklevéltára. II. 1438–1526. (Budapest, 1895.)

CXLVIII. Budán, 1498. aug. 10. 11. Ulászló a Cseszeliczky Mátyás kérésére Mezőszilvásra vonatkozó adománylevelét a székesfehérvári keresztesek conventjének iktató levelével együtt privilegialis alakban átírja. Wladislaus dei gratia Hungarie, Bohemie, Dalmatie, Croatie, Rame, Servie, Gallicie, Lodomerie, Comanie Bulgarieque rex, necnon Slesie et Lucemburgensis dux, marchioque Moravie et Lusatie etc. omnibus Christi fidelibus presentibus et futuris presentium notitiam habituris salutem in omnium salvatore. Congruit regie celsitudini et ad laudem accedit perhennem, ut de se benemeritos, in quos opes sue munificentie ob servitiorum gratissima merita liberaliter produxit, in largitis per eam opibus clementia regat, foveat benivolentia atque ut per eos ipsorumque posteros largita stabiliter possideant, suorum patrocinio privilegiorum memorie commendent sempiterne. Proinde ad universorum notitiam harum serie volumus pervenire, quod fidelis noster egregius Mathias Chezelyczky aulicus noster nostrum veniens in conspectum exhibuit coram nobis et produxit quasdam binas literas, unam nostram donationalem patenter in pargameno confectam secretoque sigillo nostro impressive consignatam, quibus mediantibus nos consideratis servitiis eiusdem Mathie Chezelyczky, que nobis et huic regno nostro exhibuit et modo quoque exhibet, directam et equalem medietatem possessionis Mezewzylwas, portionem videlicet nobilium condam Ambrosii Zylwasy ac Andree et Galli filiorum eiusdem per mortem et defectum seminis eorundem ad nos sacramque dicti regni nostri Hungarie coronam devolutam, eidem suisque heredibus et posteritatibus universis in perpetuum contulisse dinoscebamur, alias vero honorabilis ecclesie cruciferorum de Alba superinde statutorias similiter in pargameno privilegialiter confectas tenorum infra scriptorum, supplicando maiestati nostre idem Mathias, ut easdem utrasque literas ac omnia et singula in eis contenta ratas, gratas et accepta habentes, literisque nostris privilegialibus verbotenus inseri et inscribi fa-