Barabás Samu: Székely oklevéltár 1219-1776. (Budapest, 1934.)

márc. 17. dam Erdew et Meggyes in predicta sede Maros ubicunque existentium habite iure successorio in prefatum actorem redacte exstiterint et condescense; tamen vivente dicto condam Blasio Meggyes patre dicte domine Sophie idem Blasius, ipso tandem e medio sublato prefata domina Sophia in causam attracta medietatem piscine unius eorundem Erdev et Meggyes intra metas possessionis Band vocate in dicta sede Maros existentis habitam, totaiem utputa portionem prefati actoris in eadem habitam indebite, viaque iuris sine omni pro se usurpando tenuissent et conservassent atque possedissent, teneretque et possideret ipsa domina Sophia etiam in presentiarum potentia mediante in preiudicium et dampnum predicti actoris valdemagnum. Quo audito prefatus Gaspar Barchay pro iamfata domina Sophia consorte sua modo simili cum procuratoriis litteris nostris in eandem nostram exsurgendo presentiam responderat eo modo, quomodo eadem domina Sophia in causam attracta ad dictam presentem generalem adiudicationem causarum universitatis siculorum sedis Maros, mediantibus aliis litteris nostris evocatoriis superinde confectis, pretextu earundem hereditatum per antefatum Blasium Theel actorem antea etiam evocata exstiterat, sed causam huiusmodi pretextu preinsertarum hereditatum inter partes ipsas motam eedem partes dispositioni et arbitrio egregiorum et agilium Nicolai Thoth de Zenthanna, Leonardi Apafy de Madaras et Bernaldí de Pynkowcz submisissent hoc modo, quomodo ipse ambe partes feria quarta medii Quadragesime tunc proxime affuture simul cum eisdem arbitris partium in facie possessionis Hawadthew vocate personaliter aut per legitimos procuratores ipsorum comparere, iidemque partium arbitri simul cum aliis probis hominibus, quos ipsi facto in ipso penes se eligere vellent, auditis prius partium earundem propositionibus, allegatis et responsis, probabilibusque documentis admissis, causam partium prescriptam si inter partes ipsas bono modo disponere poterint et rectificare bene quidem, alioquin causam eandem, quo iuris esset, transmittere deberent et tenerentur; tali obli-