Thallóczy Lajos–Horváth Sándor: Alsó-szlavóniai okmánytár (Dubicza, Orbász és Szana vármegyék). 1244-1710. (Budapest, 1912. Magyarország melléktartományainak oklevéltára. Codex diplomaticus partium regno Hungariae adnexarum 3.)
cum omnibus suis utilitatibus et pertinentiis, maiestati nostre pro nostra voluntate libere resignavit, et insuper volens in hoc etiam maiorem devotionem suam, quam erga nos a principio habuit atque gessit, manifestius declarare, prescriptam summám viginti milium florenorum auri ad sedecim milia diffalcavit et condescendit, et tum hoc etiam tria milia et septingentos florenos de sallario suo, quo eidem ratione banatus sui et conservationis castrorum ipsius banatus nunc obiigamur, maiestati nostre simpliciter relaxavit. Ideo nos quoque volentes eidem pro animi nostri gratitudine gratiam et benivolentiam nostram erga ipsum ostendere, castra nostra Wythan et Chokakew vocata in comitatu Albensi habita, simulcum omnibus oppidis, villis, possessionibus, portionibusque et iuribus possessionariis, necnon tributis, ac aliis universis suis utilitatibus et pertinentiis quibuslibet, terris scilicet arabilibus, cultis et incultis, agris, pratis, pascuis, campis, fenetis, silvis, nemoribus, montibus, vallibus, vineis, vinearumque promontoriis, aquis, fluviis, piscinis, piscaturis, aquarumque decursibus, molendinis et eorundem locis, et generaliter quarumlibet utilitatum et pertinentiarum suarum integritatibus, quovis nominis vocabulo vocitatis, sub suis veris metis et antiquis existentibus et ad eadem pertinentibus, memorato Ladislao de Egervvara, suisque heredibus et posteritatibus universis, de consilio et voluntate dominorum prelatorum et baronum huius regni nostri, pro prescriptis sedecim milibus florenorum auri duximus inscribenda, obliganda et impignoranda, talimodo, quod ipse Ladislaus Egerwary, vita sibi comite, libere semper castra huiusmodi, omniaque bona ad eadem spectantia teneat, eisdemque fruatur pacifice. Post eius vero obitum, dum et quando nos et successores nostri, reges Hungarie, castra ipsa ab heredibus suis rehabere voluerimus, aut iidem successores nostri voluerint, extunc non aliter, quam in summa dictorum sedecim milium aureorum, aut pro aliis bonis equivalentibus, in hoc regno Hungarie et circa Budám, in loco propinquiori, quo fieri poterit, existentibus et habitis, redimere valeamus aut valeant, et nec ipsi aliter remittere teneantur. Casu vero quo etiam
