Thallóczy Lajos–Barabás Samu: A Frangepán család oklevéltára. II. 1454–1527. Hamis oklevelek. 1209–1481. (Budapest, 1913.)

CCCXVII. 1520. szept. 27. Worms. Frangepán Kristóf szerződése V. Károly császárral, Meran és Gradiska várak kapitánysága tárgyában. Eredetije német hártyán, hártyaszalagon lógó veres pecsét töredékével a bécsi cs. és kir. állami lltárban. Ladl 19. 4. 36. Ich Cristoff Frangenpan, graff zu Vegei, Zein vnnd Moderusch, römischer kayserlicher vnd yspanischer königklicher maiestat hauptman in Friaul, auf Karscht, vnd Raschburgg etc., bekhenn offenlich in diesem brief fur mich vnd all mein erben, auch vnnser dinstleut gewalt vnd beuelhhaber gegenwurtig vnd khunfftig, alls mich der allerdurleuchtigist, grossmechtigist furss.t vnd herr, herr Kharolus römischer kayser, zu Hispanien, baider Sicilien vnd Iherusalem konig, erczherzog zu Österreich etc. mein allergenedigister herr fur ir kayserlich maiestat, auch den durleuchtigen hochgebornen furssten vnd herrn, hern Ferdinandum erczherzogen zu Österreich, infannten zu Hispaniert, irer kayserlich maiestat brueder meinen genedigistn herrn in crafft des volkhumen gewalts, so ir kayserlich maiestat von seinen furstlichen gnaden habén, inn sonnder genádigen vertrawen zu irer kayserlich maiestat hauptmann der ortfleckhen vnd befestigungen Gradisch vnd Meran furgenomen vnd mir dieselben fleckhen mit allén obrigkhaiten, herlichaiten, rennten, gulten, nutzen, fruchten, einkomen vnd zugehörungen hauptmanschafftweiss in ain bestanndt, benenntlich vmb funfzehen taussennt gulden reinisch járlich zu raichen, biss auf irer kayserlicher maiestat wolgefallen vnd abkhunden verschrieben hat, alles nach innhalt vnd ausweisung irer kayserlich maiestat verschreibung vnd brief mir darüber gefertigt vnd geantwort, das ich darauf irer kayserlich maiestat fur mich, all mein erben, auch vnnser diener gewalt vnd beuelhhaber, gegenwurtig vnd khunfftig bey guten glauben zuegesagt vnd versprochen, dass auch irer kayserlich maiestat mein handtgelobt trew an aydesstat persöndlich gegeben hab vnd thue das hiemit