Thallóczy Lajos–Barabás Samu: A Frangepán család oklevéltára. II. 1454–1527. Hamis oklevelek. 1209–1481. (Budapest, 1913.)

wissentlich in crafft ditz briefs, nachuolgunder mainung vnd gestalt: Das ich nufuran bis auf kayserlich maiestat wolgefallen vnd abkhunden irer kayserlich maiestat hauptman zu Gradisch vnd Meran sein, dieselben irer maiestat ortfleckhen vnd befesstigungen in khriegs vnd friedens zeitten zu irer kayserlich maiestat vnd irs brueders, vnd wan sy bed nit mer weren, irer negsten erben getrewen handen vnd zu irer kayserlich maiestat vnd derselben lanndt vnd lewt pestem trewlich vnd redlich innhaben vnd behalten vnd nemblich alltzeit zu Meran hundert fueskhnecht vnd sechs geringe pferdt, vnd zu Gradisch funfzig fuessknecht vnd auch sechs geringe pferdt, vnd darzu an yedem ort die officir, amptleut vnd prouisoner, welche von weyllendt kayser Maximilian hochlöblicher gedechtnuss dahin verordent sein vnd nit minder, aber wol mer lewt vnd personen meinem gutbedunckhen vnd der notturfft nach zu teglicher behuet haltén, alle von guten weerlichen vnd ersamen khriegsknechten vnd dinstleuten, damit die gemelten ortfleckhen vnd befestigungen besetzt vnd bewart tag vnd nacht, wie die notturfft an solhen orten vnd confinen erfordert, wol bewachten vnd behueten, die mewr, rappárj, basteyen, polwerch, zeughewser, weeren, geschutz, zeug vnd muníción mit aller zugehörung vnd notturfften pewlich, wesenlich vnd ordennlich zu stettem gebrauch vnnderhalten, auch wo das mit zimblichen gellt bescheen, dadurch mer schaden verhuet werden mag, fur abfall vnd verderben teglich pessern vnd fursehen. Wo aber sölh teglich zufallend geprechen mit zimblichen gellt nit verhuet vnd fursehen werden, vnd dieselben souil verzug erleiden möchten, die kayserlich maiestat oder in irem abwesen irer maiestat statthalter oder hoffrát der österreichischen lannde, derselben berichten nach irer maiestat oder derselben irer maiestat hofrát beuelh, solh paw oder p„esserung, auch annder nambhafft notturfften auf irer kayserlich maiestat cossten vnd bezalung thun. Wo aber sölh gebrechen den verzug nit erleiden mechten, die dannocht von mir selbs auf kayserlich maiestat cossten fursehen, doch sol vnd wil ich an