Thallóczy Lajos–Barabás Samu: A Frangepán család oklevéltára. II. 1454–1527. Hamis oklevelek. 1209–1481. (Budapest, 1913.)
et quod ipsa in eisdem castris honeste vivere possit, post mortem vero ipsius domine Elene ut castra predicta iterum ad prenotatos dominos comites, aut ad eorum heredes redundare et devolvi debeant ad manus eorundem, cuiuspiam contradictione non obstante, et quod ipsa domina Elena nec dicta castra, nec quitquam de pertinentiis eorundem possit alienare vei donare, aut vendere, sive testamentaliter legare cuipiam, sed tantummodo ipsis dominis comitibus et eorum heredibus. Et tandem processu temporum magnificus Hans de Frangapanibus etc. videns, ipsam dominam Elenam non valere viribus ipsius resistere, ipsam diversis spoliis, obbrobriis et iniuriis molestare cepisset, quas ipsius molestias et oppressiones ipsa peramplius sufferre non valens, timensque castra predicta perdere, requisivisset et monuisset prefatos magnificos Martinum et Johannem comites, ut ipsi castra ipsorum ab ea recipere et pro se occupare, et eidem pro eisdem aliquam solutionem et recompensam condignam facere deberent, ne castra ipsa ex improviso perderentur. Et ipsi domini comites nolentes castra predicta periculis submittere, idem magnificus Johannes in sua ac predicti Martini comitis personis, unacum nobilibus Gregorio Marini et Petro Antholowich, familiaribus ipsius comitis Martini cum plena facultate disponendi et ordinandi venissent ad ipsam generosam dominam Elenam, et pro predictis eorum castris cum ipsa disposuissent, hoc modo videlicet, quod ipsa domina Elena ipsa castra predicta ad manus ipsorum assignasset benivole et cum bona voluntate, et etiam ipsis remisisset omnes eorum inscriptiones et obligamina, quibus mediantibus iidem comites se eidem domine Elene obligaverant, quando ipsa eisdem castra Ottochacz et Prozor resignaverat, ipsi vero domini comites eidem domine Elene in recompensam predictorum castrorum dedissent in promta et numerata peccunia mille et septingentas florenorum auri. Insuper iidem domini comites conpatientes orphanitati ipsius domine Elene, et ne sub alienis tectis ipsam divagare contingat, ei libertatem dedissent in predicto castro Hottes vita ei comite vivere; ita tamen, quod ipsa domina Elena
