Oklevéltár a gróf Csáky család történetéhez. II. Oklevelek 1500–1818. (Budapest, 1919.)

ipsi equo ex parte ariteriore luna argentea e regione vero lune sydus aureum est eterni rerum coelestium ignes, queindicia sunt et quasi faces quedam regiarum virtutum tuarum quas posteri tui te preferente sequi debeant. Supra scutum cassis est, ex qua equus itidem sicuti in ipsa clypei planicie visitur, cum cruento gladio erectus est, ipsam galeam scutumque varié florum imagines ambiunt et circumdant prout hec in medio presencium literarum nostrarum pictoris edocta manu expressa et suis accomodatis coloribus abunde depicta cernuntur. Animo deliberato et ex certa nostra sciencia tibi tuisque heredibus et posteritatibus universis dedimus et contulimus damusque et conferimus ac presentibus elargimur, ut tu tuique heredes et posteritates universe pretacta arma seu nobilitatis insignia more aliorum nobilium armis utencium a modo imposterum ubique in preliis hastiludüs duellis torneamentis et aliis omnibus excerciciis nobilitaribus et militaribus necnon sigillis annulis velis cortinis tentorüs domibus et generaliter in quarumlibet rerum et expedicionum generibus sub mere et syncere nobilitatis titulo ferre et gestare omnibus et singulis graciis honoribus et libertatibus quibus ceteri nobiles et milites armis utentes quomodolibet de iure vei consuetudine usi sunt et gauisi uti frui et gaudere possitis et valeatis. Preterea ut bona tua pacifice et quieta permanere possint, tum ex eo quia regie interest sublimitati providere, ut in terris suo principatui subiectis pax et securitas omnibus prebeatur malefactorumque et nocivorum hominum perversitas et iniquitas deleatur iustique et innocentes victuum suorum necessari acquisicione fruantur sub protectione principis graciosi tibi tuisque heredibus et posteritatibus universis similiter de plenitudine nostre regie potestatis id duximus annuendum et concedendum plenamque facultatem dandam et attribuendam, ut tu heredesque et posteri tui in territoriis universis possessionum tuarum in quibuscunque comitatibus existencium habitarum patibulum rotas pálos ac aliorum tormentorum genera erigere universosque fures latrones vespilones incendiarios intoxicatores incantatrices homicidas aliosque quoscunque malefactores ubicunque in territoriis possessionum tuarum predictarum publice et manifeste in locis sceleratis et maleficiis deprehensos in persona detinere