Oklevéltár a gróf Csáky család történetéhez. I. Oklevelek 1229–1499. (Budapest, 1919.)

Gachal pro annotatis nobilibus dominabus cum procuratoriis litteris vestris in nostram exurgendo presenciam responderat ex adverso, quod tempore premisse possessionarie statucionis ipsis Nicolao Georgio et Stephano fiende pro eo fecissent prohibicionem prenotatam, quia prescripte possessiones Kenes et Homrok vocate ipsis nobilibus dominabus efficacissimorum litteralium instrumentorum vigoribus pertinerent, que non ad tunc, sed in termino ulteriori per nos eisdem dando coram nobis exhibere prompti essent et parati, unde nos perceptis premissis iudicantes commiseramus eo modo, ut annotate nobiles domine universa litteralia ipsarum instrumenta, si que in facto dictarum possessionum haberent confecta, in octavis festi Epiphaniarum domini tunc venturis coram nobis exhibere tenerentur contra actores prenotatos. Quibus visis iudicium et iusticiam facere valeremus inter partes in premissis, prout dictaret ordo iuris. A quibus quidem octavis festi Epiphaniarum domini, dum prescripta instrumentális exhibicio diversis prorogacionum cautelis intervenientibus seriebus litterarum nostrarum prorogacionalium ad octavas festi Epiphaniarum domini in anno proxime transacto preteriti, et abhinc ex eo quia Andreas de Kecheth legitimus procurator dictarum nobilium dominarum easdem ad tunc ipsam instrumentalem exhibicionem facere non posse indicarat, sed eandem cum gravamine consueto per nos in ulteriorem terminum difPerri postularat, cum iudicio trium marcarum deponendo ad octavas festi beati Georgii martyris et abinde modo consimili pro eo, quia preallegatus Andreas de Kecheth legitimus procurator predictarum nobilium dominarum easdem ad tunc nec dictam instrumentalem exhibicionem facere, nec predictum iudicium trium marcarum persolvere posse indicarat, sed tam eandem quam solucionem dicti iudicii trium marcarum per nos in ulteriorem terminum differri postularat cum altero iudicio trium marcarum similiter deponendo prescripto prioré iudicio trium marcarum dupplum sorciente secundum continencias litterarum nostrarum prorogatoriarum, currendo ad octavas festi beati Jacobi apostoli consequenter proxime preteritas prorogative devenisset, ab eisdemque octavis festi beati Jacobi apostoli de parcium procuratoris voluntate simulcum duabus