Oklevéltár a gróf Csáky család történetéhez. I. Oklevelek 1229–1499. (Budapest, 1919.)

partibus predictorum iudiciorum presentes octavas festi Epiphaniarum domini dilative attigisset. Ad quas quidem octavas prefate nobiles domine per Briccium filium Clementis legitimum procuratorem dictorum Nicolai Georgii et Stephani in personis eorundem congruis diebus ipsarum octavarum coram nobis expectate nostram in presenciam non venerunt, neque miserunt, nec persolverunt iudicia prenotata se mediantibus aliis litteris nostris iudiciariis exinde confectis amplius opprimi permittendo, postulans prefatus procurator dictorum actorum per nos in premissis eis ex parte dictarum nobilium dominarum iuris medelam impertiri, verum quia prefato domino Nicolao wayvoda pro meritoriis serviciis suis dictas possessiones Kenes et Homrok vocatas sibi et dictis Georgio ac Stephano fratribus suis in perpetuum possidendas a regia maiestate impetrante, annotate nobiles domine Veronica filia Petri de Kenes ac Dorothea vocate consors Andree de Kucheth per prefatum procuratorem ipsarum se in facto dictarum possessionum litteralia instrumenta habere allegando, eadem instrumenta tribus vicibus semel videlicet sine iudiciali onere ac secundo et tercio cum oneribus iudiciorum exhibere assumpsisse et non exhibuisse, iimo ultimatim ad exhibenda eadem non venisse nec misisse, sed se amplius aggravari permisisse ex premissis manifeste reperiebantur, consuetudinaria vero lege regni ab antiquo observata sancciente, quicunque in facto alicuius iuris possessionarii se litteralia instrumenta habere allegando, eadem instrumenta tribus vicibus semel videlicet sine iudiciali onere ac binis vicibus cum gravaminibus iudiciorum exhibere assumpserint et non exhibuerint, ultimatimque ad exhibenda eadem non venerint neque miserint, sed se in onere iudiciali aggravari permiserint, tales huiusmodi iuribus possessionariis privari solent et spoliari, requisitoresque ipsorum iurium possessionariorum in dominium eorundem contradiccione quorumlibet non obstante statui debent atque introduci. Pro eo vestram amiciciam presentibus petimus diligenter, quatenus vestrum mittatis hominem pro testimonio fidedignum, quo presente Mychael filius Petri de Kuka vei Ladislaus de Bakonia altero absente homo regius de curia regia ad id specialiter deputatus ad facies predictarum possessionum Kenes et Homrok vocatarum vicinis et comme-