Oklevéltár a gróf Csáky család történetéhez. I. Oklevelek 1229–1499. (Budapest, 1919.)
regiminis interest officio meritorum fideliter obsequencium strenuos actus et gesta virtuosa equo liberamine premetiri ac ipsis sinum dileccionis meritis ipsorum suadentibus pandere, eosdemque regalis remuneracionis condigno dono premiari, eorundem fidelium nostrorum dilectorum Nicolai et Georgii de Chaak eximiis fidelitatibus et multiphariis laudedignis obsequiis, necnon sinceris uberrimis et virtuosis complacenciis, per que ipsi preclare fidelitatis constancia suffulti temporibus tranquillis et impaccatis sacro regio diademati et nostro culmini locis summe incumbentibus, presertim in confinibus regni nostri contra sceleratissimam cohortem Turcorum et aliarum scismaticarum nacionum barbariem nostrorum et regni nostri emulorum, necnon in terra Moravie adversus Prokopium marchyonem et alios rebelles nostros indesinenter serviendo nostre maiestati iugiter exhibere studuerunt placabiles famulatus et coram nostro conspectu multe laudis preconio commendari et attolli meruerunt adeo, quod noster regius animus et eorundem domini Nicolai et magistri Georgii strenuis actibus et virtuosis complacenciis sepenumero requievit et regnum nostrum commoda tranquillitatis reportavit, sicuti nos in omnibus premissis magistra rerum experiencia et palpate veritatis certitudo docuit evidenter et instruxit, nove nostre donacionis titulo dederimus perpetuo donaverimus et contulerimus pleno iure profecto, quia prout super hoc communis notaria publica et evidentissima fama informacio declaracio et difinicio existit, quomodo predicta castra Kereszegh et Adryan nominata et eorum pertinencie et tenute a prefato condam Kopaz palatino regio videlicet et sacre corone notorio infideJe, quiquidem condam Kopaz palatinus eisdem rite iuste et legitime per ipsos predecessores nostros de unanimi decreto et sanccione primatum baronum et regni nostri procerum privatus extitit et sentencialiter destitutus. Sicque eadem iusto iuris titulo ad manus regias deventa et redundata extiterunt et consequenter approbata lege regni nostri dictante nostre regie collacioni et omnimode disposicioni pertinerent, nosque eadem prefatis domino Nicolao comiti et magistro Georgio fratri eiusdem, ut prefertur, perhempniter possidenda et habenda contulimus, sed quia instrumenta Jitteralia, per que
