Gerevich Tibor–Jakubovics Emil–Berzeviczy Albert: Aragoniai Beatrix magyar királyné életére vonatkozó okiratok. (Budapest, 1914. Monumenta Hungariae Historica. Diplomata 39.)
simo sexto, pontifìcatus nostri anno quinto. 1 — In Dei nomine Amen. Anno a nativitate eiusdem domini nostri Iesu Christi millesimo quadringentesimo nonagesimo sexto, indictione quarta decima, die vero decima septima mensis Novembris, pontifìcatus autem sanctissimi in Christo patris et domini nostri, domini Alexandri divina Providentia papae sexti anno quinto. Ego infrascriptus cursor praesentavi, notificavi et intimavi retroscriptas sive introscriptas litteras breves eisdem sanctissimi domini nostri papae videlicet serenissimo domino Wladislao regi Hungáriáé, Bohemiaeque etc., existenti in oppido vulgariter Thate 2 nuncupato, Iauriensis diocesis, in quadam platea ante pontem castelli ipsius oppidi, ubi idem serenissimas Wladislaus rex tunc manebat cum magna comitiva praelatorum, baronum, nobilium et curialium ipsius regis et cum essem in conspectu eiusdem, praefatus serenissimus Wladislaus rex interrogavit me, si ego praesentabam sibi dictum breve, tamquam nuntius, aut privata persona. Cui serenissimo regi respondi ego, quod praesentabam dictum breve suae maiestati et tenorem eiusdem intimabam eidem tamquam cursor et offìcialis eiusdem sanctissimi domini nostri papae et sacri sui palatii apostolici et ad haec specialiter deputatus et destinatus, ostendens baculum seu masciam argenteam suae maiestati in signum mei offìcii et iuxta continentiam, seriem et tenorem dictarum litterarum et brevis citavi praefatam serenissimum Wladislaum regem, eumque monui, ut eisdem litteris auschultaret, parerei et obediret et consignavi dictum breve in manibus propriis ipsius Wladislai regis. Tunc idem serenissimus rex aperuit dictum breve, illudque legit, vidique etiam maiestatem suam perlegentem breve et litteras praedictas. Deinde venerabilis pater Georgius praepositus Albaeregalis, eiusdem regis secretarius, prope portam dicti castelli dixit mihi, ut irem ad hospitium, donec affata maiestas faceret me vocare. Et quia duo brevia dictarum litterarum habui eiusdem seriei, tenoris et continentiae de verbo ad verbum, unum, 1 Eddig közölve Spiessnél. 5 Tata.
