Gerevich Tibor–Jakubovics Emil–Berzeviczy Albert: Aragoniai Beatrix magyar királyné életére vonatkozó okiratok. (Budapest, 1914. Monumenta Hungariae Historica. Diplomata 39.)
Item postquam sua maiestas ex Alba Regali Budam rediit, die videlicet quarto Octobris proxima post coronationem suam cum maxima comitiva dominationum vestrarum reverendissimarum et magnifìcarum, videlicet praelatorum et baronum, venit ad habitationem nostre solitae residentiae, ibique praesentibus reverendis dominis Vrbano Agriensi, 1 Thoma Iauriensi episcopis, dominus Stephano de Bathor vvaywode (!) Transylvaniensi, Paulo Kenysio comite Temesiensi, Petro Gereb, Ladislao Lossoncz, Iohanne de Schellenberg, 2 Francisco de Montibus 3 et aliis quampluribus totam aulam implentibus, dominus Iauriensis episcopus consacratus stipulavit matrimonium inter ipsum serenissimum regem et nostram reginalem maiestates per haec verba: «Serenissimae rex Wladislae, hic praesens, vis in tuam uxorem legitimam serenissimam dominam Beatricem de Arrogonia, hic praesentem, per verba de praesenti secundumquod disponit sancta Romana mater ecclesia et ordinai?» Cui ipse rex praedictus respondit : «-Volo». Deinde versus ad nostram reginalem maiestatem dictus dominus episcopus ad nos dixit : «Serenissima domina regina Beatrix de Arrogonia, vis in tuum legitimum virum et maritum serenissimum dominum Wladislaum regem, hic praesentem, per verba de praesenti secundum quod disponit sancta mater Romana ecclesia?» Cui nos respondimus: «Volumus». Et tunc dominus episcopus praedictus versus ad utrasque maiestates dixit: «Date igitur vobis fìdem». Et nos iunctis in alterutrum manibus, mutua fide ipse rex et nos Beatrix praefati obligavimus nos in manibus praedicti domini episcopi Iauriensis, et versa reginalis maiestas dicens ad dominum episcopum lauriensem : «Est ne ita domine Iauriense?» Qui alta voce respondit: «Ita res se habet, prout maiestas vestra narravit». Similiter hoc ipsum annuerunt omnes hic praesentes, qui tunc interfuerunt contractui matrimonii. Item post hoc matrimonium taliter contractum dictus serenissimus rex peciit a nostra maiestate, ut de aliqua 1 Nagylucsei. 2 Cseh kanczellár. 3 Nápolyi követ.
