Gerevich Tibor–Jakubovics Emil–Berzeviczy Albert: Aragoniai Beatrix magyar királyné életére vonatkozó okiratok. (Budapest, 1914. Monumenta Hungariae Historica. Diplomata 39.)
PRAEFATIO. Quum in serie «Biographiarum historicarum» anno D. MCMVIll v o opus meum de vita et aetate Beatricis reginae edidissem, simul consilium cepi instrumentorum litteralium ineditorum in opere scribendo usurpatorum gravissimorum textum appendicis loco communicare. Sed prolixitas libri necnon quantitas documentorum editione dignissimorum in hoc Consilio perficiendo me quam maxime impediverunt, quamobrem libentissime accepto mandato commissionis historicae Academiae seorsum nunc materiam omnem documentorum in volumine singulari edendam curavi, sed et hoc sic feci ut quaedem reiicerem et ex plurimis omitterem quidquid nullam habet connexionem cum vita Beatricis et cum relationibus Hungaricis. Iam haec praemissa indicant hoc corpus diplomaticum quasi additamentum esse spectandum operis mei de Beatrice, cui praeparationis locum ipsa biographia et adumbratio aetatis tenent. Intervallum temporum interhasduas editiones cum diffìcultates technicae tum negotia diversissima, quae me occupaverunt, distulerunt in quinque annos. Quae mora tamen emolumento huic thesauro fuit quum interim instrumentorum litteralium permultas res pretiosissimas continentium certior sum factus quibus in scribendo opere uti haud potueram quaeque hic emisi in lucem et fortasse hodierno die hic liber latius inveniet lectores attentos, quum interim mea biographia de Beatrice in sermones Francogallicum et Hispanicum translata lucem viderit, versionis autem Italicae labor iam accingitur.
