Nagy Imre: Anjoukori okmánytár. Codex diplomaticus Hungaricus Andegavensis. VI. (1353–1357) (Budapest, 1891.)
kun habitum aműbilasse, vigore et virtute preexhibitarum literarum privilegialium suarum reperieramus, dictusque magister Dionisius filius Stephani bani portum seu tributum in ipsa possessione sua Abad vocata vigore dictarum literarum . . Lodovici regis patencium, post emanacionem ipsarum literarum privilegialium confectarum, in preiudicum ipsius . . Nicolai episcopi locasse, conservasse et constituisse reperiebatur, ipsaque prior collacio eidem .. Nicolao episcopo facta, maioris íirmitatis et vigorositatis, quam ipsa posterior collacio eidem Stepliano bano facta fore et existere videbatur, posteriores autem collaciones prioribus iuxta antiquam regni consvetudinem nequeunt preiudicare et preiudicium generare, ideo prelatorum et baronum ac nobilium regni iudiciario pro tribunali nobiscum assedencium maturo inducti consilio, premissum tributum et portum in ipsa possessione Porozlow vocata habitum iuxta ipsius regie maiestatis collacionem et donacionem eidem domino Nicolao episcopo et suis fratribus in suis vigoribus et virtutibus perpetuo permanere et perdurare committentes, dictum tributum et portum, quod ipse magister Dionisius in dicta possessione sua Abad vocata in preiudicium et annihilacionem ipsius portus et tributi dicti . . episcopi in Porozlow habiti fecerat et locaverat, iudiciaria auctoritate cassaveramus et annihilaveramus eo modo, ut amodo et deinceps nullus mercatorum seu viatorum per predictum portum Abad nunc iudiciaria nostra potestate annihilatum transire auderet vei presummeret. Et quia ipse magister Petrus procurator ipsius . . Nicolai episcopi eundem . . episcopum in domínium premissi portus et tributi sui intromitti et per hominem regium per viam iusticie postularat introduci, ideo commiseramus eo modo, quod Emericus íilius Bede de Torda, homo regius de curia regia ad hoc specialitar transmissus, feria secunda proxima post dominicam Judica tunc proxime ventura, presente testimonio capituli ecclesie Budensis, quod per ipsum capitulum ad id amicabiliter literatorie transmitti postularamus, ad dictam possessionem Porozlow . . accedendo, ipsum . . Nicolaum episcopum in domínium dicti tributi sui et portus in possessione sua Porozlow vocata exigi consveti perenniter introduceret; habita si quidem ipsa introduccione in locis publicis et foris, ubi necesse fieret publice et manifeste verbo regio palam 20*
