Mathiae Corvini Hungariae regis epistolae ad Romanos pontifices datae et ab eis acceptae. Mátyás király levelezése a római pápákkal. 1458–1490. (Budapest, 1891. Mon. Vat. Hun. I/6.)
8 14)9- T- J UN1 L pro futuri creatione pontificis curavimus convenire, nobisque cum eisdem fratribus sub deliberationis magne negotio, quam tante rei qualitas exigebat, aliquamdiu tractantibus, tandem ipsi fratres, licet potuissent in alios maioris meriti consentire, tamen sancti spiritus, a quo sancta Romana et universalis ecclesia Christi sponsa regitur, infusione ipsorum animos sic afflante, ad personam nostram dirigentes unanimiter vota sua, nos tunc tituli sancte Sabine presbyterum cardinalem, nescimus quo occulto et nobis tremendo iudicio, ad celsitudinis apostolice fastigium concorditer elegerunt. Nos autem imbecillitatis nostre conscii, nostrarum parvitatem virium ad tanti operis sarcinam digne perferendam agnoscentes, postquam diu, quid agendum foret, cogitavimus, tandem considerantes Romani pontificis electionem non ab hominibus, sed a divina inspiratione procedere, cuius non licet resistere voluntati, sperantesque eum, qui ab initio fundationis ecclesie infirma mundi elegit, ut confunderet fortia, vires suas nobis ad tanta gubernacula subministraturum, cupidi bene agere et prodesse potius, quam preesse, in spiritu humilitatis collá submisimus iugo apostolice servitutis. Quapropter serenitatem tuam precamur, ut omnipotentem Deum instantius exoret, a suisque omnibus exorari curet, ut nos per suam gratiam roboret et dirigat in agendis. Nos enim pro nostre erga te mentis affectu dispositi sumus in casibus occurrentibus tuam serenitatem specialium gratiarum prerogativis et aliis beneplacitis, quantum cum Deo poterimus, confovere. Dátum Romé, apud sanctum Petrum, anno incarnationis dominice MCCCCLVIIL, pridie Nonas Septembris, pontificatus nostri anno primo. VI. I4jp. i. Junii. Pius II. Mathiae regi. (St. Kaprinai, Hung. Dipl., pars II. pag. 304..) Pius papa II. Mathie Hungarie regi illustri. Carissime in Christo fili, salutem et apostolicam benedictionem. Jam duce altissimo ad civitatem Mantuanam pervenimus, ad quam cum antea per litteras nostras Kalendis Junii diete tenende causa venturos (nos) promisissemus, quinto ante hunc terminum die personaliter affuimus. Venimus autem non sine magnis persone et rerum nostrarum incommodis; siquidem etas nostra iam
