Bullae Bonicacii IX. P. M. IX. Bonifác pápa bullái. 1396–1404. (Budapest, 1889. Mon. Vat. Hun. I/4.)

ccccx. 1401. 22. Junii. Carolum, comitem Corbavie ac Catharinam, Wlci bani filiam, a quarto consanguineitatis gradu dispensat. (Anni XII. Liber 5. f. 91.) Bonifacius . . . Venerabili fratri Episcopo Nonensi salutem . . . Oblate nobis pro parte nobilis viri Caroli Pauli, ex comitibus Corbavie et nobilis mulieris Githarine, Wlci bani, domicelle Tiniensis diocesis, petitionis series continebat, quod olim ipsi non ignorantes, se quarto consanguineitatis gradu fore coniunctos, matrimonium inter se contraxerunt per verba legitima de presenti, carnali copula minimé subsecuta. Cum autem Carolus et Catharina predicti in huiusmodi matrimonio sic contracto licité remanere nequeant, dispensatione super hoc apostolica non obtenta, pro parte ipsorum Caroli et Catharine nobis fűit humiliter supplicatum, ut eis de absolutionis beneficio ab excommunicationis sententia, quam propter premissa incurrerunt, et de opportune dispensationis gratia super hoc providere, de benignitate apostolica dignaremur. Nos itaque ex certis causis nobis expositis . . . Fraternitati tue, cum venerabilis fráter noster Episcopus Corbaviensis, cui super hoc esset scribendum agat presentialiter in remotis . . . mandamus, quatenus eisdem Carolo et Catharina prius ad tempus, de quo tibi videbitur expedire, ab invicem separatis, eos, si hoc humiliter petierint, ... ab excommunicationis sententia absolvas iniunctis eis sub virtute iuramenti per eos prestandi, quod de cetero similia non committant. Et nichilominus, si tibi expediens videatur . . . dictaque Catharina propter hoc rapta non fuerit, cum eisdem Carolo et Catharina, ut impedimento, quod ex huiusmodi consanguineitate provenit, non obstante, matrimonium de novo contrahere . . . valeant, dispenses, prolem ex huiusmodi matrimonio suscipiendam legitimam declarando. Dátum Romé apud Sanctum Petrum Decimo Kalendas Jullii (sic) Anno Duodecimo.