Bullae Bonicacii IX. P. M. IX. Bonifác pápa bullái. 1396–1404. (Budapest, 1889. Mon. Vat. Hun. I/4.)

CCCLXXXV. 1401. 11. Április. Nicolaum Csuka, presbyterum Debreczinensem, a reatu homicidii absolvendo, ut sacerdotalia munia iterum obire possit, illi indulget. (Anni XII. Liber 2. f. 150.) Bonifacius etc. Dilecto filio Nicolao Michaelis de opido Debruzen, presbytero Waradiensis diocesis, salutem . . . Sedes apostolica, pia mater, recurrentibus ad eam cum humilitate filiis post excessum libenter propitiam se exhibet et benignam. Exhibita siquidem nuper nobis pro parte tua petitio continebat, quod, licet olim tu in domo Michaelis dicti Siuca, patris tui carnalis, sita in oppido Debruzensi, (sic) Waradiensis diocesis, pacifice preter unquam (sic) iniuriam vei molestiam inferendo stares, tamen quidam Stephanus Siculus laicus, opidanus predicti opidi, adiunctis sibi certis suis complicibus cum armis offensibilibus noctis tempore ante predictam domum animo tibi et parentibus tuis iniuriandi in verba contumeliosa et obprobriosa proruperunt, publice affirmantes, matrem et sorores tuas, tunc etiam in predicta domo existentes, fore meretrices, in non modicam tue bone fame denigrationem, propter que predictus Michael, páter tuus, predictam domum cum duobus familiaribus suis exivit rogare predictum Stephanum et eius complices, quatenus a predictis verbis contumeliosis et opprobriosis desisterent, ipsi vero magis et magis priora verba replicantes a predicta domo recedere minimé curaverunt, et propter huiusmodi infamiam, vituperium et verecundiam dictus tuus páter et familiares ad iram non modicam provocati, predictum Stephanum enormiter in corpore suo vulneraverunt, tuque similiter videns patrem tuum predictum, contra predictos iniuriatores se defendentem, ipsum defendere volens predictum Stephanum etiam cum quodam cultello in caput, non tamen animo ipsum occidendi, usque ad sanguinis effusionem vulnerasti, et licet prefatus Stephanus ex vulnere, quod eidem percussisti, (sic) mortem pro tunc bene evasisset, tamen propter percussiones et vulnera per predictos patres (sic) et familiares eidem Stephano factas et facta ex post infra paucos dies idem Stephanus, prius tamen per eum dicta confessione ac Eucharistie et extreme Unctionis sacramentis prehabitis, expiravit. Cum autem, ... tu de premissis doleas ab intimis ac cupias Deo reconci-