Acta legationis cardinalis Gentilis. II. Gentilis bibornok magyarországi követségének okiratai. 1307–1311. (Budapest, 1885. Mon. Vat. Hun. I/2.)
interlocutoriam, quam super predictis proferre intendit, secundum quod iustitia suadebit; dicto magistro Philippo se offerente paratum, dare et prestare cautionem ydoneam, si necesse fuerit, cum clausulis oportunis, quod quicquid actum, factum et procuratum fuerit per eum in dicta causa, et quod factum est etiam, futurus episcopus ratum habebit et firmum, et illud ratificabit ac etiam approbabit. (Interlocutoria pro capitulo.) Die Mercurii, XXV. dicti mensis Junii, predicte septime indictionis, comparentibus dictis procuratoribus substitutis utriusque partis in iudicio coram dicto domino auditore, ad audiendum interlocutoriam íerendam super predictis, ad quam audiendam habuerunt terminum heri, die feriata propter festivitatem sancti Johannis, et petentibus, interlocutoriam ipsam per dictum dominum auditorem ferri et pronunciari, idem dominus auditor, visis et diligenter inspectis iuribus utriusque partis super libello et exceptione predictis, ac super ipsis habita intra se deliberatione sollempni, Christi nomine invocato, interloquendo pronunciavit, super dicto libello litem contestandam esse, et exceptionem predictam non impedire litis contestationem huiusmodi, faciendam super libello predicto. A qua interlocutoria dictus Vagnolus, procuratorio nomine quo supra, illico viva voce appellavit, protestáns, quod intendit appellationem huiusmodi dare in scriptis. (Pro capitulo.) Cui appellationi dictus dominus auditor non detulit. Mandans dicto Vagnolo presenti ad petitionem dicti magistri Philippi, quod cras in vesperis peremptorie compareat coram eo, ad contestandum litem super libello predicto. Mandavit etiam dicto magistro Philippo, quod compareat similiter coram eo, ad prestandum cautionem ydoneam, quod futurus episcopus ratum habebit et firmum, quicquid actum, procuratum et factum fuerit in causa predicta. 1 1 Reliqua pars processus, quas sequitur, tantum in fragmentis inter fol. 41. et 43. (deest paginatio de fol. 42.) adest.
