Acta legationis cardinalis Gentilis. II. Gentilis bibornok magyarországi követségének okiratai. 1307–1311. (Budapest, 1885. Mon. Vat. Hun. I/2.)
FRAGMENTA AD EANDEM CAUSAM PERTINENTIA. Coram Vobis, reverendo viro domino Philippo &c. excipiendo propono ego Vagnolus procurator substitutus a domino Berthuldo procuratore VII. capitulorum, scilicet de Sebus, de Spreng, de Kizd, de Kozd, et de Cris, de maiori Kukulo et de minori Kukulo, Transsilvanensis diocesis, contra magistrum Philippum procuratorem substitutum a domino Sancto procuratore capituli Transsilvani, et contra libellum per eum propositum, in quo libello idem Philippus procurator petit, dictum dominum Bertholdum procuratorem, ut supra, condempnari in mille marchis fini argenti ad pondus Budense, cum dampnis, expensis et interesse, propter eo, quod asserit Philippus procurator predictus, nuncios et procuratores predictorum capitulorum de anno preterito et mense Februarii de mandato ipsorum capitulorum violenter et hostiliter cum equitibus et peditibus armatis intravisse ecclesiam sancti Michaelis, multiplices iniurias fecisse dicto capitulo Transilvano, ut in ipso libello plenius continetur. Me quidem procuratorem, ut supra, non esse cogendum de iure, dicto magistro Philippo et libello respondere ex eo, quod super factis, ex quibus magister Philippus procurator predictus asserit in dicto libello, dictum capitulum Transilvanum multipliciter fuisse iniuriatum; cum ex adverso ex eisdem factis, dicta capitula iniurias sibi esse illatas ab ipso capitulo Transilvano asseruerint et asserant; fuerit ex parte dictorum capitulorum contra ipsum capitulum Transilvanum ad sedem apostolicam appellatum, et appellatio predicta admissa et commissa iudici delegato, sicque negotia et facta, ex quibus predicte iniurie orte dicuntur hinc inde, ac ipsarum cognitio ad sedem apostolicam et iudicem delegatum ab ea sunt generaliter devoluta, et per consequens alius iudex inferior se de dictis iniuriis ad petitionem alicuius partium predictarum intromittere se de iure non potest, cum super eodem facto orta matéria questionis et lítium non cefram diversis iudicibus, sed coram uno cognosci debeat et finiri. Predictam autem exceptionem propono, salvis aliis, suo loco et tempore proponendis. 1 Die Jovis, III. Julii, exhibite sunt dicte exceptiones, et datus est i Fragmentum primum inter fol. 41 et 43.
