Acta legationis cardinalis Gentilis. II. Gentilis bibornok magyarországi követségének okiratai. 1307–1311. (Budapest, 1885. Mon. Vat. Hun. I/2.)

curatoriis et substitutionibus dicte curie plene constat, dictus magister Philippus exhibuit dicto domino auditori contra dictam alteram partém in scriptis quendam libellum, cuius tenor talis est: (Pro capitulo.) Coram Vobis, venerabili viro domino Philippo de Sardinea, decretorum doctore, canonico Arborensi, capellano ac generáli auditore reverendi patris et domini domini fratris G.

1 Dei gratia tituli sancti Martini in Montibus presbyteri cardinalis, apostolice sedis legati, dico et propono ego Philippus de Cingulo, procurator substitutus a venerabili viro domino Sancto procuratore venerabilis capituli ecclesie Transsilvane, contra providum virum dominum Bertoldum procuratorem septem capitulorum, videlicet de Sebus, de Spreng, de Kyzd, de Cozd et de Cryis, de Kukullu maiori et de Kukullu minori, Transsilvane diocesis, procuratorio nomine ipsorum, quod procuratores et nuncii dictorum capitulorum, videlicet Pertholdus plebanus de Kelnuk, item sacerdos de Subcastro . Petri, Andreas de Orbou,

1 et alii quamplures sacerdotes dicti capituli de Sebus, de voluntate, licentia, mandato et consensu predictorum septem capitulorum, anno preterito et de mense Februarii iniuriose ac violenter, hostiliter, cum magna comitiva equitum clericorum et laycorum armatorum, ecclesiam beati Michaelis Transsilvanam intraverunt, hostia predicte ecclesie claudendo, ac custodes ibidem ponendo, et insultum fecerunt in canonicos eiusdem ecclesie, ad capitulum convocatos, percutiendo ac verberando quamplures clericos et beneficiatos eiusdem ecclesie, fugando etiam et trudendo canonicos predictos, et alias ignominiose et turpiter transfugando ipsos usque in sacristiam ecclesie supradicte. Quam iniuriam nollet predictum capitulum substinuisse pro mille marcis fini argenti ad pondus Budense. Quare peto ego predictus Philippus, procuratorio nomine quo supra, eundem dominum Pertoldum procuratorem, procuratorio nomine predictorum, in predicta quantitate marcarum nomine iniuriarum sententialiter condempnari et compelli, et condempnandum fore decerni, et ad hoc propono actionem iniuriarum civilem. Preterea peto fieri omni iure et modo, quibus melius potest, cum dampnis et expensis ac interesse. Salvo sibi iure addendi, mutandi, corrigendi et declarandi &c. 1 Orbó, Szász-Orbó, germ. Urwegen, in comit. Szebeniensi.