Acta legationis cardinalis Gentilis. II. Gentilis bibornok magyarországi követségének okiratai. 1307–1311. (Budapest, 1885. Mon. Vat. Hun. I/2.)

(Pro decanis.) Quo oblato libello, et data de eo copia dicto Vagnolo, ut deliberaret super ipso, dictus dominus auditor assignavit terminum ipsi Vagnolo ad respondendum eidem, nisi aliud rationabile proponatur, ad diem Jovis proxime futurum. Die Jovis, XII. mensis Junii, VII. indictionis, comparentibus predictis procuratoribus substitutis in iudicio coram dicto domino auditore, dictus Vagnolus exhibuit in scriptis contra dictum libellum exceptionem infrascriptam, cuius tenor talis est: (Pro decanis.) Coram Vobis, reverendo viro domino Philippo de Sardinea, decretorum doctore, venerabilis patris domini fratris G.

1 Dei gratia tituli sancti Martini in Montibus presbyteri cardinalis, apostolice sedis legati, generáli auditore, ego Vagnolus procurator substitutus a reverendo viro domino Bertoldo decano de Zebus, procuratore quinque capitulorum, videlicet de Sebus, de Spring, de Kyzd et de Kozd et de Criz, Transsilvane diocesis, procuratorio nomine dicti domini Bertoldi procuratoris seu dictorum capitulorum, coram Vobis, auditore prefato, excipiendo dico et propono contra magistrum Philippum procuratorem substitutum a domino Sancto procuratore capituli ecclesie Transsilvane, et libellum per eum oblatum, contra dicta quinque capitula, et dominum Bertoldum procuratorem eorum, in quo idem magister Philippus procurator, ut supra, petit dictum dominum Bertoldum, procuratorio nomine dictorum quinque capitulorum, condempnari in mille marcis fini argenti, ad pondus Budense, nomine iniuriarum illatarum, ut dicit, Albensi capitulo, me quidem vei dictum dominum Bertoldum prefatum non debere, nec posse cogi, respondere dicto libello eo, quod dictum, capitulum Albense dictam questionem, sede Albensi vacante, intentare non potest. Predictam exceptionem propono ego Vagnolus procurator prefatus, nomine dicti domini Bertoldi procuratoris dictorum quinque capitulorum et nomine ipsorum, salvis michi aliis, suo loco et tempore proponendis. (Pro capitulo.) Qua exceptione exhibita, statim dictus dominus auditor assignavit terminum dicto magistro Philippo, ad recipiendum copiam de eadem,